ياكليب شب النار ياكليب شبه

حسب طلب كثير من الاخوان نورد قصيدة الشاعر دغيم بن عيد بن بشير الظلماوي الشمري كامله والمشهور بالوالمه ويقول فيها :
ياكليب شب النار ياكليب شبه
عليك شبه والحطب لك يجابي
الوالمه ياكليب عجل بصبه
والرزق عند اللي ينشي السحابي
علي انا ياكليب هيله وحبه
وعليك تقليط الدلال العذابي
ابعث لها ياكليب من حزل خبه
وشبه الى منه هباكل هابي
باغ الى شبيتها ثم قبه
تجلب سراةٍ من بعيد غيابي
بنسرية ياكليب ياشين غبه
لاهب نسناس تقل سم دابي
متكتفين وناطحين مهبه
متلطمين وسوقهم بالعقابي
صبه لقرم صرفته ماحسب به
يوم البخيل مكنهب الوجه هابي
صبه لمنعور الى جاه نبه
يرخص بعمره والدخن له ضبابي
عده عن اللي مايداري المسبه
اللي يدور بالقصير الغيابي
لاجاضع المنزوع خطوا الجلبه
ياحلو تالي الليل خبط الركابي
اقحص لهم وابدي سلام المحبه
لاشح بالهين كبير العلابي
سلام احلى من شهاليل جبه
واحلى من السمن الجديد العرابي
مع كبش مصلاح الراسه نجبه
من مضرب السكين حن الركابي
وخطوا الولد يوم الملاقا نكبه
يصير معهم من حساب الزهابي
حتيش لو يلبس زبون وجبه
معيرةٍ على غضير الشبابي
انا لقيت الصبر يازين غبه
يرقيك روس مشمرخات الهضابي
من لاصبر ياكليب في حكم ربه
هذاك يوم البعث ماله ثوابي
وسلامتكم

أخوي ((الدلبحي)) الله يعطيك العافيه

وسمعت البيت الاول وادور على القصيده لي اكثر من سنه,
تسلم يمينك يالذيب

صح لسان قايلها وتسلم يديك يالدلبحي
يعطيك العافيه

تسلم يالدلبحي على هذة القصيدة



لا عدمناك ياولد العم مواضيعك كلها شيقة ومثمرة


تقبل تحياتي ....

صح لسان الشاعر

وتسلم يديك يالدلبحي ..

لاهنت يالدلبحي

ولك الشكر يا غالي

ولك تحياتي

الاخ صويب الرمش
حياك يابوي يشرفني مرورك وسماع تعليقك
تحياتي لك

الدهاسي
يعطيك العافيه على مرورك الكريم

الاخ العزيز ابن العم داهية عتيبه
يشرفني ويسعدني تواجدك وقراءة تعليقك الشيق
يعطيك العافيه

ابووعيل _عتيبي عفيف
حياكم ياعيال العم
نشكركم على المرور وكتابة التعليق
تقبلوا تحياتي

الاخ ((الدلبحي))

قصيده تعتبر من التراث النادر

ومن أقدم وأجود القصايد

دايمآ وانت متميز

مشكور كل الشكر

لك خالص تحياتي

خالد العصيمي

هلا ومرحبا
ياخالد
التميز هو تواجدك المستمر
يسعدني ويشرفني مرورك