السلام عليكم
محمد صالح العطاوي22-Jul-2009, 04:33 PM
ياسلامي عليكم ياقروم الرجال=في محل(ن)يعز الضيف والمستجير
روحن السنين وروحن الليال=والحمول الثقيله فوق ظهر البعير
مدسم الشوارب22-Jul-2009, 05:50 PM
ياهلابـــك هلابـــك عـــد رمل التـلال ..,,.. فـي محـلكـ وحـلكـ وانتبــه لاتطيــر
هات علمك وعلمك في محل الرجال ..,,.. ولاتضيع سنينك في هبوب المصير
عطاوي22-Jul-2009, 05:58 PM
اعتذر عن تسرعي في الرد
وصح لسانك يالعطاوي
وصح لسان مدسم الشوارب
واصلو واحنا متابعين
محمد صالح العطاوي22-Jul-2009, 07:22 PM
عقب ماجابك الله ياكريم السبال=المفتح ترى ماهوب مثل الضرير
البروق البروق تلوح عرض الخيال=وعقب هلت مطرها صار سيلا غزير
مدسم الشوارب22-Jul-2009, 07:42 PM
صحــت لكـ لين حتى صابنــي فالحبــال ..,,.. الصــوتيه تمــزق بس مافيـكـ غيـــر
صرف اذنك اليسرى معدومه فالارسال ..,,.. ويصبح وضعكـ الحالي فيه شيآ كثير
محمد صالح العطاوي22-Jul-2009, 08:07 PM
انتبه لايجي فالعقل نوع اختلال=ولايفيدك صياحك فالنهار الكبير
اخذهاياوسيع العرف مالك مجال=قد سبحنا البحر وانته بجال الغدير
مدسم الشوارب22-Jul-2009, 08:43 PM
العقــل يالعطــاوي هو ميزان العــدال ..,,.. والعداله عــداله انــت تــوكـ صغيــر
بكرهـ تفهم كلامي ويصبح عندك مثال ..,,.. خلك خلك محلكـ قبل تصبح كسير
محمد صالح العطاوي22-Jul-2009, 09:06 PM
عارفين الحرام وعارفين الحلال=والليالي رحاها ياولد يستدير
والهبايب تراها ماتهز الجبال=جاك جاك العطاوى معه سيفن شطير
مدسم الشوارب22-Jul-2009, 09:23 PM
كلامـكـ هـذا دايم ياكثـر مايقــال ..,,.. كلام ابلا فعول ابدن والله مايصيـر
والعلوم الاكيدهـ فيه مزن همال ..,,.. والصقر ماحركنه شلقة عصافيــر
عشقA22-Jul-2009, 09:28 PM
العطاوي & مدسم الشوارب
صحت الألسن والقلوب...
مدسم الشوارب22-Jul-2009, 09:31 PM
عشق
صح بدنكـ
ولاهنت ع المرور
يعطيكـ العافيه
تحياتي
معجب العتيبي22-Jul-2009, 09:31 PM
الله الله على الابداع
صحة السنتكم
مدسم الشوارب22-Jul-2009, 09:33 PM
معجب العتيبي
الابداع تواجدكـ ومتابعتكـ
صح بدنكـ
لاهنت ع المرور
يعطيكـ العافيه
تحياتي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
