سعد حميّد ياسعد ياصاحبي منت معذور !!!
فواز السعيدي18-May-2010, 07:59 PM
ابو فواااز ..
مساك شعر ..
///////
.................
سلام ردية تفتّش فالضماير والصدور = واليا لقت شرهه تبا تجتثها بجذورها !!
سعد حميّد ياسعد ياصاحبي منت معذور = ياواسطتنا فاللزوم .. اللي عليك سبورها !!
سعود العصيمي18-May-2010, 08:04 PM
سلام ردية تفتّـش فالضمايـر والصـدور
واليا لقت شرهه تبا تجتثهـا بجذورهـا !!
سعد حميّد ياسعد ياصاحبي منـت معـذور
ياواسطتنا فاللزوم .. اللي عليك سبورها !!
سعد حميّد ياسعد ياصاحبي منـت معـذور
ياواسطتنا فاللزوم .. اللي عليك سبورها !!
الله الله
يابو عايش صح لسااانك
مليوون على هذه البدعه الرااائعه
وصح لسااان سعد حميد مقدمآ
فواز السعيدي18-May-2010, 08:08 PM
ارحب
ارحب
////
صح بدنك ملايين يابوطااااايل
لاهنت
عبدالله الفهد الاسعدي18-May-2010, 08:12 PM
ياواسطتنا فاللزوم .. اللي عليك سبورها !!
ياواسطتنا فاللزوم .. اللي عليك سبورها !!
ياواسطتنا فاللزوم .. اللي عليك سبورها !!
صح لسانك على البدع الرائع
وصح لسان ابوفواز مقدماً
ننتظر الابداع بحول الله
فواز السعيدي18-May-2010, 08:13 PM
راع الزلفي
ارحب ارحب
لاهنت
ناصر الجلاه18-May-2010, 08:15 PM
..
فواز السعيدي
..
صح لسانكـ يابوعايش .. بدعة معلم حقيقه
واسطه وعلوم :)
ننتظر سعد وصح لسانه مقدمآ
واصلوووا متابعين
دمتم
..
فواز السعيدي18-May-2010, 08:16 PM
ناصر
ارحب ياصاحبي
لاهنت لاهنت
صح بدنك
علي فلاح العضياني18-May-2010, 08:29 PM
الله الله
صح لسانك يا فواز بدعه اكثر من رائعه
و صح لسانك يا سعد مقدماً
متاااااااااااابع
فواز السعيدي18-May-2010, 08:36 PM
ابو فلااااح
صح بدنك ملايين
ارحب ارحب
لااااااااهنت
سعد حميد الثبيتي18-May-2010, 08:58 PM
الله يمسيك بالخير ياخال واستلم
يامرحبا ترحيبة(ن(ن) بالخال والربع الحضور= من خاطرن(ن) مهتاض والدنيا كفا الله جورها
حنا اجتهدنا فالطلب والله عليم(ن) بالامور = والحكم في يدين القضاه اللي تقرر شورها
سعد حميد الثبيتي18-May-2010, 09:02 PM
اشكر كل من مر شكرا جزيلا
وبالذات ابو فلاح الله يمسيه بالخير واقوله عساك على القوه ليللة الخميس ان شاء الله
فواز السعيدي18-May-2010, 09:21 PM
الله الله الله
///////
............
حنا ندوّر للعلوم اللي تزيد النور نور = والناس من ماجودها .. والنفس من مقدورها !!
انته قريب ولا انبنا بينك وبين الشيخ صور = والفزعه لخالك .. نزيدك مدح من منظورها !!
السبيعي فلاح18-May-2010, 09:29 PM
الله الله الله
///////
............
حنا ندوّر للعلوم اللي تزيد النور نور = والناس من ماجودها .. والنفس من مقدورها !!
انته قريب ولا انبنا بينك وبين الشيخ صور = والفزعه لخالك .. نزيدك مدح من منظورها !!
الشاعر فواز صح السانك وصح السان قبيلك ومساء الخير للعموم متابع
فواز السعيدي18-May-2010, 09:31 PM
فلاح السبيعي
صح بدنك
ارحب ارحب
لاااااااهنت
سعد حميد الثبيتي18-May-2010, 09:41 PM
انا على شانك وتقديرك سبحت مع البحور= لكن واجهني مصاعب مدها وجزورها
ودي لخالي بالدسم والنمر من قوم(ن) نمور= لكن دار سليم تشكي من سنين دهورها
فواز السعيدي18-May-2010, 09:56 PM
الله الله
//////
....................
نعمين والله يالبناخي مايجي منك القصور = بعض الرجال .. ان طار طيرك ماتطير طيورها !!
اللي دمه منشان ابن عمّه يثلّج مايفور = حطوه ياهل السيل .. مع عمي الرجال وعورها !!
علي الشهراني18-May-2010, 09:57 PM
ابو عاايش و ابو حميّد
صحت السنتكم
و بيض الله وجيهكم
فواز السعيدي18-May-2010, 10:00 PM
الشهرااااني
صح بدنك
وجهك ابيض
ارحب
لاهنت
سعد حميد الثبيتي18-May-2010, 10:13 PM
مااقول فيك قصور والدعوه تبي رجل(ن) صبور= معاملتنا ياطويل العمر داير دورها
الرزق قدر للبشر وايضا مقدر للطيور= واهل الوفا تقنع ليا قدر لها ميسورها
عيد بن مرضي18-May-2010, 10:14 PM
الله الله
السعيدي - الثبيتي
صحت الالسن والقوب
متابع للآبداااع
ومنكم نستفـــــــــــيد
فواز السعيدي18-May-2010, 10:31 PM
ياسلام ياسلام
/////////
.................
هاذ العلوم اللي تسر العين .. وتزيد السرور = اللي يبا ظهر العمانيه .. يزيّن كورها !!
هاذي سياسة وقتنا الحالي .. على شان العبور = الناس للطمعه تدوس وينفجر ماطورها !!
ابو فوااااااااااااز
ماشاء الله عليك مافيك حيله ابد
صح لسانك وتصبح على خير
سعد حميد الثبيتي18-May-2010, 10:31 PM
ابن مرضي صح بدنك والابداع متابعتك وتشريفك طال عمرك تقبل تقديري
سعد حميد الثبيتي18-May-2010, 10:39 PM
الله يبيض وجهك ياخال ومنك نستفيد ونتعلم وحقيقة يعلم الله انا ماوصلنا مواصيلك فالشعر فانت مدرسه بحد ذاتها بارك الله في جهودك الطيبه ووفقك في مسيرتك الشعريه وكثر الله امثالك في منتدانا العامر باهله
لك مني كل تقدير واحترام والساري في خير ان شاء الله
ولاتنسون كفارة المجلس
سبحانك اللهم وبحمدك اشهد الا اله الا انت استغفرك واتوب اليك
