المطيري بينكم تفضل 00 لاهنت
أبومسلي28-May-2010, 08:03 PM
مسيك بالخير يالغالي 000 ودنا ناخذ محراف أذا سمح وقتك
يالمطــــيري ياصحيبي سـلام الله عـلاك // بيـــن زوار المدينـة وبيـن أعيانهــا
شفت حذفة جات دونك وحذفة من وراك // مابقـى إلا الثالثـة يالمطيري عانهـا
منصور الدرين29-May-2010, 12:30 PM
مرحبا والله يسعد صباحك مع مساك .!!
والمشاعر مانقص بالشعر ديوانها .!!
الملك يمشي على الدرب وأنته وش بلاك .!!
الملقف لو تجينا هجد شيطانها .!!
"بندر العصيمي"29-May-2010, 12:44 PM
الله الله
صح السنتكم ياابطال والى الامام وبتوفيق لكم ،،،
تقبلوا مروري المتواضع
تحيتي
منصور الدرين29-May-2010, 01:05 PM
صح بدنك يابندر العصيمي لين ترضى
وجودك فخر.~
معجب العتيبي29-May-2010, 01:57 PM
المسيلي
والمطيري
صحة الالسن
متابعين
أبومسلي29-May-2010, 05:14 PM
العصيمي بندر000 هلا وغلا حظورك أعطى للمحاوره لونها الرائع
صح بدنك
أبومسلي29-May-2010, 05:15 PM
العتيبي معجب
أنرتنا بهذه الآطلاله البهيه ومتابعتك محل أعتزاز
أبومسلي29-May-2010, 05:23 PM
الخوي ثوبه قصير وفي فمه مسواك راك // مـــير قلــبه قلـب حيـــه تمـــد لسانها
بين يـــوم وليل تعرف صحيبــك من عـــداك // يوم بقعاء جات تسحب جميع أخوانها
منصور الدرين29-May-2010, 09:02 PM
حياك الله يامعجب .~
وجودك فخر .~
منصور الدرين29-May-2010, 09:09 PM
شطرك الأول كسرته وهذا من غباك .!!
نعرف المسلم ونعرف عما طليانها .!!
بين يوم وليل لن عدتها نلعن ثواك .!!
والله إن الملعبه ماتعرف ألحانها .!!
أبومسلي29-May-2010, 09:46 PM
لايجيك الشك مني شك ولا يبحث خفاك // أنتبه للكلمه اللي على ميزانها
أنــت تبنـي لك بنايه ومدري ويش جـــاك // عقب ما كملتها حولت عمـدانها
منصور الدرين30-May-2010, 04:25 AM
والله إن الشك زائل ولكن ياعساك .!!
ماتشيل البندق اللي خرب نيشانها .!!
ودّي أرسل لك مبرمج فحل يعطيك هاك .!!
وأكثر الهاكات عندي هنا ميدانها .!!
أبومسلي30-May-2010, 05:57 PM
صح لسانك يالمطيري سعدت بمجارتك
وأشكرك على تلبية الدعوه
منصور الدرين31-May-2010, 04:06 AM
صح لسانك وبدنك يابو مسلي
وقبول الدعوة واجب .~
سامحنا إن كان حصل خطأ .~
تقديري .~
