مساكم الله بالخير جميعاً

السلام عليكم ورحمة الله وبركاته







مساكم الله بالخير جميعاً





سرا الليل في درب المعرفه نقز نقز=على شان من هو للمشاكل نقز نقز

ومن قزنا بالعين قمنا نقز نقز=يقولون مال الأوله غير راعيها



أول الليل والشاعر يقوم=والسما خابرين انجومها



غيرها ما لنا فيها لزوم=العرب نفثت بكمومها

ايه ايه شب عليهم..


وين هالحركات من زمان


صح لسانك يابو نايف

هلا وغلا أخوي فايز

صح بدنك يا الغالي

وازهلهم ههههههه

أنا متواجد الآن

سمعنا نداك وقالو انك جذع جذع=وعرفنا نخلكم كلبوها جذع جذع
ولا تعترض للهرش وانته جذع جذع=يقولون مال الاوله غير راعيها





انتبه لا تضيّع فالسلوم=والعرب ماجهلت سلومها
لا تغرك جديدات الهدوم=مار طب البحور وعومها

مشاءالله عليك يالبارودي عزالله انك شاعر محنك
وردك محبوك كفو يالبارودي
صح لسانك

صح بدنك يالاصمعي

وصحح معلوماتك البواردي وليس البارودي

وشكرا

البواردي والله اني كاتبها غلط ونعم فيك
استمر انا في صفك
كفو وبيض الله وجهك شاعر جزل

أنا ما اعرفك بالنك لكن بشر بشر=ومن هازنا بالشر يسري بشر بشر

نبا نبشره مثل البطاطه بشر بشر=يقولون مال الأوله غير راعيها


يا ولد لن حصل زرق السهوم=لا تعرض لرمي اسهومها


لو منته نجم بين النجوم=الشياطين شفت ارجومها

ما عليك زود ووجهك ابيض

والصف يزهابك

حياك الله

تبا سوقها في نجد ولا قرى قرى=يبين انك بـ مدن ولا أنت بـ قُرى قُرى
ترا كلن بخطك وفعلك قرى قرى=يقولون مال الاوله غير راعيها



ما حسبنا حساب الرخوم=اللي كبارن علومها
والله إني عن المسكين أشوم=و أتكاثر عليّه هومها

تراك أنت طالب فختباره سقط سقط=وراع الشبح جا من وراك وسقط سقط

وترا فالعرب لاقط لكل ما سقط سقط=يقولون مال الأوله غير راعيها



أبشر أبشر بفركٍ للخشوم=للعدا من يدق أخشومها

عقب ما جا لكم حرٍ يحوم=يا طيورٍ ظهر زلقومها

ياسلاااااااام عليكم جميعاااااا

صح السنتــــــــكم
جذع جذع

تعلم تركب في حروفك نقط نقط=ألا يالربع تليمو له نِقطّ نِقطّ
انا اشوف دمه من هجاده نقط نقط= يقولون مال الاوله غير راعيها


لا تعرض خشيمك للسموم=الطغاه ابشروا جا يومها
كنت حرٍ ولكن صرت بوم=والليالي لا عاد تلومها

ترا منت قدي وأنت توك فتى فتى=ولنته بشيخٍ بالفتاوي فتى فتى

نحتنا الصخر يومٍ شعرك فتى فتى=يقولون مال الأوله غير راعيها


من خبر ناقةٍ تالد بتوم=لا يقولون شفنا تومها

من يبيع البصل بياع ثوم=مع بصلها بتاكل ثومها

هلا وغلا أخوي فهد

صح بدنك يا الغالي

يشرفنا متابعتك

صحت الاسنتكم

واسطر اعجابي بك ياشاعر الهيلا ابراهيم الجذع



متااااابع الابداع

هلا وغلا أخوي عادل

صح بدنك يا الغالي

اشكرك على الإطراء والمتابعه

ترا الناس تعرف ويش معنى شعر شعر=ولا أنته بقد طويق وانته شِعر شِعر
ابا اكسر ظلوعك لو فيها شعر شعر=يقولون مال الاوله غير راعيها




ما نلوم الجذع جته الهموم=كل نكبه يشيل همومها
ما تجي للجزال ولا تسوم=عادتك والهزال ترومها

فهد العازمي حياك الله


ومتابعتك شرف

عادل الحربي

حياك الله

وصح بدنك

ويا بواردي منته بصايب هدف هدف=ومقدارنا راعي سنامٍ هدف هدف

وسجلت بك عقب الثنينه هدف هدف=يقولون مال الأوله غير راعيها



الجذع عقب نفث فالكموم=السيوف ارجعت بثلومها

وأبك حنا قويين العزوم=واكثر الناس وين اعزومها

صحت الالسن


فيه ابيات قمه في المعنى



واصلوا ونحن متابعون

على الهون اشوفك يالعتيبي عجل عجل=من بداية المشوار وانته عِجل عِجل
دعستك على دربي ودكك عجل عجل=يقولون مال الاوله غير راعيها



يالجذع رحت هالليله لهوم=من رماحٍ حداد زقومها
وابك حنا مناعيرٍ قروم=والبحور الغزار انعومها

عسى ليت والله ما تفيدك وعل وعل=مدامك تناطح ضلع كنك وعل وعل

بعد هل همال السحايب وعل وعل=يقولون مال الأوله غير راعيها


يا ولد عود وكبر وصوم=كمل ايام فاتك صومها

رحت بين الموادع والقدوم=عقب ما وثقة بختومها

تولعت بالشعر وحصلك سِحر سِحر=لكن رح تميدح عند ريم وسحر سحر
وتطلّب إلهك في القيام وسحر سحر= يقولون مال الاوله غير راعيها



نكبة اللي ختم لك بالختوم=يوم حطوك شاعر قومها
ددسنن ناشها بعض الهشوم=والزباين تعرف هشومها

ترانا عن الوقفات لا ما نفر نفر=على ما قفي والقوم تسري نفر نفر

ومن ضربنا فالجنب جلدك نفر نفر=يقولون مال الأوله غير راعيها


يقنب الذيب في روس الرجوم=ما يدل الدير منجومها


مير خلك على الدعوى كتوم=لين نكتمك يا مكتومها

هذا الشاعر اللي فوق عمره عدا عدا=يقول انه السابق وهو ما عدا عدا
ولا انته بـ ضد ولا محارب عدا عدا=يقولون مال الاوله غير راعيها



افرحوا بعد جيته يالعموم=بينه فالخدود وسومها
استرح يا العتيبي ومخدوم=الدير مالكين رسومها

أنا خابرك محرج وصابر ولم ولم=تغير عن الوقفه وبيتك ولم ولم

ولكن صابك علم كايد ولم ولم=يقولون مال الأوله غير راعيها


اسر يا بواردي وأنت مهزوم=لوحتك قد محيت ارقومها

وأبك حنا مزعزعت الخصوم=رمحنا فالنحر واخصومها

سرى اللييييييل يالبواردي




انت اتطول وخصمك مايطول بارد




والمحاوره جزله ولا ودي انام قبل ماتنتهون من المحاوره

ابا ادرسك واهديك مني حِكم حِكم=تعلم و روّح و المتابع حكم حكم
ولن ماقنعت اصدرت مني حُكم حُكم= يقولون مال الاوله غير راعيها



لا تحلم وتبلشك الحلوم=ما تفيد العباد حلومها
لوحتك لو بقي فيها رقوم=راحت مع العرب وقرومها

حياك الله يافايز

والمتابع اكيد لازم ينتظر

اكيد ومتابع الابداعات يالبواردي



شعار وافين

متابعتك شرف

لا عدمناك

وانت الوافي

لاهنت

ترانا ترانا مدركين و نعي نعي=وبكره تحصل فالجرايد نعي نعي

ولا ينفعك بكره صياح ونعي نعي=يقولون مال الأوله غير راعيها


احمد الله ماني بمحروم=لاح براقها بغيومها

وأنت والله يا ليتك تنوم=والثعابين فيك اسمومها

طردت الجذع لين ان موته قرب قرب=وحملت من فوقه عفوش وقرب قرب
وانا اعرف معك مجموعتن من قرب قرب=يقولون مال الاوله غير راعيها




سلط الله على الضالم ضُلوم=والليالي مهاب اضلومها
واقفن للدفاع وللهجوم=اسر والميته ما الومها

اظن الجذع مثل قبيله شعب شعب=ويشعبك طول الليل والله شعب شعب

كما السيل اله مع كل وادي شعب شعب=يقولون مال الأوله غير راعيها


عقب روح كما الدلو مخروم=من سبيب الخيول اخزومها

كيف تقفي وعلباك محجوم=غرني فالعباد اجرومها

كفو يالبواردي والله مااانت بسيط
كفو اشهد انك بواردي
كفو

تصبح على خير يا البواردي

انت تبطي بالرد لكن ما قصرت

تشرفت بالعب معاك

اضن الجذع ما معه حتى عقل عقل=بعد ما استوا وأنقاد اعقله عقل عقل
رميته واصبته ثم بعدها عقل عقل=يقولون مال الاوله غير راعيها


قسمنا من جزيلات القسوم=كل قومن نعرف قسومها
انت ترغي و بالخشم مخزوم=بيّنه من كبار خرومها

اصمعي عتيبه كفوك الطيب

وبيض الله وجهك

تحياتي لك

وانت من اهله يالجذع

وانت بعد فيك تاخير لكن ماهي من عيوب المحاوره

والشرف لي .. ماقصرت


تحياااتي

ما قصرتوا

بيض الله وجيهكم


ابراهيم الجذع
البواردي

صحت الالسن

و لا هنتوا على الابداع

صحت الالسن


ابراهيم الجذع

البواردي

بيض الله وجيهكم

صح لسانك يالبواردي

وبيض الله وجهك

انا اشهد انك شاعر من غير قصور بالجذع

صح لسانك يالجذع

ولاهنت



تحياتي

صح السان الشاعر / ابراهيم الجــــذع

وصح السان / البواردي



اشهدانك مجرم يالجــذع






//

ابن منور

صح بدنك ولاهنت

فايز العتيبي صح بدنك


ووجهك ابيض