همن كبير كان له وقت غادي

لاعاد من هم ظهر في فوادي=يضرب على نفسي ويؤذي صفاها

همن كبير كان له وقت غادي=واليوم بادي والليال اقتفاها

يالله ياربي عليك اعتمادي=وعليك ياربي مبادي وفاها

ارجيك في عجل الليال الجدادي=اليوم همي ظاهرن في خفاها

كل البشر من حضرها والبوادي=لو في تقاليد السلوم احلفاها

مهما تكون انواعهم والعدادي=لو كل منهم بالوفاء قد لفاها

ماغيرو فيها بياض وسوادي=مهما تقبلها على من نفاها

نفس صبوره لو تجوب الحمادي=على قدمها ماشتكت من حفاها

ونفسي كريمه لو عطت بالايادي=ما تملكه من مالها ماكفاها

تعطي وتعطي والحقيقه عتادي=في نفسي العلياء وعزن رفاها

ونفسي شجاعه لاغدت للعنادي=مادرهمت عوج النضاء في قفاها

عنها السنين وحرها والبرادي=والزمهرير اللي يذوب ابدفاها

معاد حاديها على الضعف حادي=لو كلبو حين بقلبه جفاها

سبحان شانك ياعزيز المبادي=انت الامل ونت الرجاء في شفاها






الشاعر / بجاد ابوديه العتيبي

ونفسي شجاعه لاغدت للعنـادي
مادرهمت عوج النضاء في قفاها

عنها السنين وحرها والبـرادي
والزمهرير اللي يـذوب ابدفاهـا

معاد حاديها على الضعف حادي
لو كلبـو حيـن بقلبـه جفاهـا




مبدع بكل ماتحمله الكلمة من معنى يابو نآيف



جزله من جزل



رائعه واكثرر ، وقراءة واحدة لا تكفي بالتأكيد ..





صح لسآنك لين ترضى ..

بيض الله وجهك ياشمان وتشرف بمعرفتك انت وشرواك كلماتك عندي اغلى من قصيدتي وسباق على الطيبه تقبل جزيل شكري وامتنانيي

..

.


بجاد صح الله لسانك..

ابو حمدآن شكرآ لـ مرورك

نص رائع من شاعر جزل


صح لسانك ولا فض فووك

نسل الطحاطيح ونعم وتشرف بمرورك انت طحطوح