مبروك ابو ناب
يامرحبا باسم البلادي والبلادي من صقور ,,,,,,,, يامرحبا باللي حضر والنار من شبابها
قولوا لتركي يشغل النيران في كل الامور ,,,,,,,,النار من شبابها والخيل من راكابها
تركي2000
دام البقا وانتم مع اهل العرف مافيكم قصور ,,,,,,, والمعرفة عنوان للاصحاب عن اصحابها
اليا شعلت النار يابو ناب فاحنا القدور ,,,,,,, ,, وانا ما اشب النار لين اشب في مشهابها
مبروك ابو ناب
حياكم الله ياخناذف في الورود وفي الصدور,,,,,,,, واللى تصك النوب قدمها حياك الله بها
انتم تعمون البحر والا تحمون البرور,,,,,,,,,,,,,, واللى تباها قولها والطيبة نرضى بها
تركي 2000
ياصاحبي مهما تمر سنين وتعدي شهور ,,,,,,,, لحيتك مانحسب لها الا من حساب اشنابها
ان كان يابو ناب تنشدني ترى حنا البحور ,,,,,,, اللى ليا هاجت على الديرة تشيل ترابها
مبروك ابو ناب
البحر له حدان ثابي نوب سن ونوب صور,,,,,,,,, احسن لكم في البر والابحار لا تشقى بها
ياصاحبي وش يفرق التاريخ مابين الطيور,,,,,,,, بعض الطيور اللى تجينا فاهقات ارقابها
تركي 2000
يالله عساك تعيش وقتك بالسعادة والسرور,,,,,,,, قدام ترميبك سباع الليل بين انيابها
ان كان وانك تعرف التاريخ من ماض العصور ,,,,,, لا تدعي بالحجة اللى ماربح كتابها
مبروك ابو ناب
ياتركي الالفين مابيني وبينك جت حكور,,,,,,,, وش عندكم في الحجة اللى ماتغلق بابها
العذر مايصلح مع الاصحاب لو قلت معذور ,,,,,, لوكان تحلف من طلوع الشمس لـ مغيابها
تركي 2000
اصبر على ماجاء في دنياك يالقلب الصبور ,,,,, واليا جذيت الدله اقدمها على شرابها
الحي فوق الارض واللى مات في وسط القبور ,,,,, والعذر ينفع في الامور اليا عرفت اسبابها
مبروك ابو ناب
في صفحة التاريخ ثبتنا لكم خمسة سطور,,,,, الاوله بحسابها والثانيه بحسابها
مانت بجاهل لو بجاهل قلت ياخذك الغرور,,,, لكن عاقل من كبار مطير جوف اشعابها
تركي 2000
وش لون اجي في الوادي المدهور واكب الزهور ,,,, لكن من دور على البلوى يبا يبلى بها
ان كان لك حاجه تحصلها بعد يوم النشور,,,, وان كان مالك شي ربعك لا تثور اعصابها
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
