اغنـم مراقيـب الليـالي المقابيـل - لا صـرت ما تبغـى تجي بالهزيمـه

السلام عليككم ..

هذي اول مشاركه لي في هالمنتدى الكبـير ..

وانشاءلله تعجبكم






للعلم هيبـه وسـط روس الرياجيـل - وللطيـب في روس الاجـاويد قيمـه
هذا هو المنهـج وانـا يـمـه امــيــل - نهج الرجال اهل الكرم والحشيمه
وابـوي درسـني جميـع الـتفاصيـل - يـا جعل ربي فوف راسـي يـديـمـه
وابـوي حذرنـي عن القـال والقيـل - لا تـطـرد علـوم الـقفـى والنـميـمـه
واحفظ لسانك عن هروج المهابيل - لا تـجـعـل العالـم تـجيـك بشتيـمـه
واغنم مراقيب الليالـي المـقابـيـل - لا صرت ما تبغـى تجـي بالهزيـمـه
وربعـك تـرا ربعك بوقت المشاكيل - جنـب عن اللي يجلب الك الجريمه
في هالزمن يابـوك خدعـه وتمثيـل - لا تـنـكـسـر لـوّك تصـاب بظلـيـمـه
واعــرف تـرا ربـك علـيـه التـواكيـل - ربـك يحـل قيـود لـو هـي عـظيمه
وصـلاه ربي عد ماهو جرى السيل - علـى النبي راعِ الصفات الكريمه



وسلآمتكم .. ( نقدكم يهمني )
واعذروني على القصور
ترا هذي بداياتي الشعريه



فهد بن ضيف الله الحميدان

ارجو ذكر المصدر عند النقل

فهد

صح لسانك

صح لسانك


والله يحييك

سالم وغانم وحياك الله وحيامشارتك الي تبيض الوجهه

صح لسانك ياشاعر
صدقتك وابي اصدقك القول وصدقني
هاذي كاءبدايه لااعتقدتكون الابدايه شاعرعظيم ولاكن عليها بصمات توحي بانهاوليدةمحاولات متكرره من منظوري الخاص وانت ابخص بواقع امرك
اذهي بدايه انهيت مستقبلناشعريا الايذا كان نبي نروح نخرط وننظم مثل غيرنا.ونترك الابداع لك
اتمنى من الله لك التوفيق ولي السلامه

تقبل مروري وتحيتي

سعيد الدلبحي = صح بدنك


اخو جوزا = صح بدنك والله يبقيك يالامير


راعي الزرقا .. وجهك ابيض والله لا يهينك وشهادتك وسام على صدري
واما من ناحيه القصيده فهي ليست بدايه قصايدي
جا قبلها محاولات وبمساعده من والدي الله يحفظه في تعلم الوزن والقافيه

وانا اقصد كبدايه لي لأني ما بدأت في الشعر الا من عده شهور

والله لا يهينك

صح لساااااااااااااانه

محمد الذيابي - صح بدنه