وين شعاركم ياعتيبه
محماس السلمي02-Jan-2012, 02:45 AM
وين شعاركم ياعتيبه
سلام وجية انا اليله وحاسي في يدالمشعاب
ابا طق العتيبي لين يلزم دونه الرقه
وحرفها وصرفها بمشهايه على ماطاب
ونا خابر عتيبه كل رجالن على حقه
قاسي العتيبي02-Jan-2012, 03:08 AM
رجالن على حقه ههههههههههههههههههههههههههههههههههههههه
بعدين ياسليم أسمكم ليش مرتبط مع المشعاب
صح لسانك
بأنتظار شعراء عتيبة
محماس السلمي02-Jan-2012, 03:12 AM
صح بدنك
لان مادون الحلوق الا اليدين
قاسي العتيبي02-Jan-2012, 03:34 AM
طيب ليش مايرتبط اسمكم بالسيوف
وألا السيوف يفعلون بها عتيبة وأنتم لكم أغصان الاشجار
سعود طالع الشيباني02-Jan-2012, 03:36 AM
الا ياراعي المشعاب قدامك رجال أشناب = تركّد لا تحاقرنا ثم اندخلك فالشقه
قبل رجلك تخطّى الباب لازم تعرف الاداب = وتعرف انا بخبرتنا نخيّط كل منشقه
قاسي العتيبي02-Jan-2012, 03:41 AM
كفو كفو يابن مشيب خيّط له مضبوط
محماس السلمي02-Jan-2012, 03:58 AM
الا واحظي الي حطني مع واحدن نصاب
وانا رجلن علي العلم ماني واحدن نقه
ولا ياولد مشيب لاتفشلنا مع الاجناب
وبابك ماحدن مره وبابك ماحدن طقه
قاسي العتيبي02-Jan-2012, 04:06 AM
أجل يالسلمي بيبانكم دايم يطقونها الناس
سعود طالع الشيباني02-Jan-2012, 04:12 AM
انا في لازمي حاضر وانا للماقف الغصاب = اليا ناديت نوحي والاذاني ماهي مصقه
وش بيعذرني من اهل السيوف اللي تقص ارقاب=عليه بالحرام اني لدوس الخصم وادقه
قاسي العتيبي02-Jan-2012, 04:17 AM
كفو دقه تمام واصل يابن مشيب
قاسي العتيبي02-Jan-2012, 04:21 AM
أستاذنكم والدعوى مزوح يالسلمي المعذرة كان أخطيت عليك في شي
سعود طالع الشيباني02-Jan-2012, 04:24 AM
محماس السلمي02-Jan-2012, 04:31 AM
ولا واخيبت امك من حظر في لازمه ماغاب
وانا بعتق ولد سمحه ولاني قاربن شقه
قريص الداب يحذر عقب سابع ليل سم الداب
لكنك حط عينك لطريق وخاطرك وقه
سعود طالع الشيباني02-Jan-2012, 04:47 AM
بهونك ياعجوز سليم ماتتمشي بدون حساب = ولكن لق وجهك يم راع ا لاوله لقه
تعرف ان الحباري موتها من راعي المخلاب= لياحلق بقت في داخل الاخشاش منطقه
سعود طالع الشيباني02-Jan-2012, 05:23 AM
محماس استاذنك يالطيب عندي بكره الصبح اشغال والساعه3:20 وسامحنا على القصووور وترى الدعوى مزووووح,,,,, تصبح على خيررر
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
