خل المعاند عنك وافرك يابشار

خل المعاند عنك وافرك يابشار=غيرعناوينك وطف الشريحه
الجامعه قبل امس رصتك باانذار=والان شرعيتك ماهي صحيحه
والشعب كله يلتهب كنه النار=كلن يبى يصلخك صلخ الذبيحه
قبلك معمرعاند وصارماصار=ماهي شماته قدرماهي نصيحه
انت انكبتك الفرس في كثر الاشوار=وجنبت عن شور الوجيه الفليحه
تتبع بلد منبوذ في كل الاقطار=تمد يدك لليدين الشحيحه
بلد مصادرها على بث الاضرار =وجل الموارد بين خزي وفضيحه
وصفقاتكم وشلون تسميم الافكار=تحت غطاء تحرير غزه واريحه
ومعكم حسن خلى البطوله له اشعار=كل مارماله قفش دور مديحه
ومهمته لاايران مدخل وسمسار=ماهو مقنعنى بكثره نبيحه
اعقولكم طين وبها تبن واحجار=ثله روافض بالعلوم الصريحه
مار انقلع يامال قصاف الاعمار=اذلف تقلع للوجيه القبيحه
ماهي اعيالنلك هل الشام يااحمار=ماهو بكيفك دمهم تستبيحه
سلايل العظمه مغاوير واحرار=وهنانوا ابوقلب مثل الصفيحه
لفوا بغوروا لين ماطاح وانهار=واقفت فرنسا بين قومه وطيحه
والان مايرضون بالذل والعار=وحماه باقي ماتعافت جريحه
ومسمين نفسك ابن سوريا البار=والناس ماهي ياخبل مستريحه
رح لحمدي نجاد رتب لك الدار=وخل المعلم معك ينقل سطيحه
والا ترى بنشوف عاجل بالاخبار=ونسمع عليك اخبار ماهي امنيحه

,,


صح لسااانكـ


ولا هنت,,

صح لسانك يابو منصور

ونسأل الله أن ينصر أخواننا المسلمين في سوريا
و
في كل مكان , وأن ينتقم لهم من الطواغيت شر أنتقام

صح لسانك

تقبل مروري وتحياتي

صح لسااااانك لين ترضى ليته يسمع شورك