مرزوق العتيبي .. مطلوووب

سلام في عيد الضحيه والضحايا والرمي = تسليم وافي يا رجال ٍ تستحقون الوفا
إن كان يا مرزوق مسلم فيه غيرك مسلمي = واللي ينوشه من براد الجو يقرب للدفا

الله الله الله


كل عام وانت بخير ياماجد وصح لسانك


وبأنتظار ابو محمد للأستمتاع


ودي وتقديري

الشمالي الغربي

حياااك

صح بدنك يالغالي

وكل عام وأنت بصحه وسلامه

تحياااتي

سلام في عيد الضحيه والضحايا والرمي = تسليم وافي يا رجال ٍ تستحقون الوفا
إن كان يا مرزوق مسلم فيه غيرك مسلمي = واللي ينوشه من براد الجو يقرب للدفا


يامرحبا ياللي تسلم عد ماسالت دمي = لو قمت ارحب فيك لين الصبح اعدّه ماكفا
عطني علومك واقرب احدود السلامه تسلمي = هرج الرجل فالوجه مانبني على هرج القفا

..
.
مرحبا يابو خالد...

يسعدناا ويشرفنا وجودك..
كل عام اونت طيب..

الله الله

اسلم اسلم يا مرزوق


دام البقا وإليا أحتميتوا للمواقف نحتمي = والقول قول ولا يجي فقلوبنا غير الصفا
قلتلك هيا نسعف الحجاج وتقول غنمي = أبنادم يعش وحياته جمع مال ولا أكتفى

غير السعاده والهدايه وش يريد الادمي = ياصاحبي ماجد ترى مرمى كلامك ماخفا
انته علامك يوم حان الجد شفتك معتمي = نورك بعد قمت ازهمك للفعل قدامي طفا

درب السعاد فالهدايه ولحياتك هادمي = كم واحد ٍ مد القدم زلة به أقدامه هفا
أساعد المحتاج وأتبع للنبي الهاشمي = منته منادي وأنت يا مرزوق لك جفن ٍ غفى

الله الله على الابداع
مو مستغرب منكما
واصلوا وحنا معاكم
تحيــــــــــــــــــــــــــــاتي

صح اللسانك يا ماجد الهذلى وسلملى على عبيدالله العرابى

وصح اللسان مرزوق العتببى ابو محمد

درب السعاد فالهدايه ولحياتك هادمي = كم واحد ٍ مد القدم زلة به أقدامه هفا
أساعد المحتاج وأتبع للنبي الهاشمي = منته منادي وأنت يا مرزوق لك جفن ٍ غفى


اسيّر اقدامي على كيفي ورزيت اعلمي = فالقمه اللي ماوصلها شخص برجوله حفا
ياماجد اركد قبل لاخليك لقمه في فمي = ياللي تبا درب الهدى روّحت مع درب الشفا

وليد الزراقي

وعابر سبيل

حيااكم الله شرفتوا ونورتوا

تحياااتي

...
.
وليد الزراقي...
عابر سبيل..
مرحبا فيكم تراحيب المطر..
تو مانورت الصفحه بحروفكم ..
...

كل عام وانتم بخير
وعيد مبارك عليكم
وتحياتي للشاعرين المبدعين
مرزوق العتييي المبدع دائما
وماجد الهذلي الرائع.

ابشر يا عابر سبيل !!


أنته مشيت ولا نجيت اللي بعزمه يعزمي = مشلحك ضافي يا مدور للمشالح والضفا
بكره يدور ديتك روقي ينادي عازمي = الدم من راسك وراسك راح دمه يزفا

أبو وليد

يا مرحبا فيك يالغاااااالي

متابعتك شرف

تحياااتي

انته ياماجد ماتحمل طلقة ٍ من محزمي = لكن ابعفي عنك والمعبود يكرم من عفا
وضحت لك كل الحقايق ثم غطيت اقلمي = انا من اللي مايهاب الموت الى منّه لفا

..
.
الغالي ابو الوليــد
نورت الصفحه وتعطرت بحروفك..
هلابك ياغالي..
..
.

..
.

ماجد الهذلي
مرزوق العتيبي
صحت ألسنتكم يا مبدعين
واصلوووووووا وحنا متابعين
وازهلووووا الصفوف تراها عندي

.
..

السلام عليكم
كل عام وانتم بخير
وعيدكم مبارك
وصح لسانكم وواصلواا على الابداع .

انته ياماجد ماتحمل طلقة ٍ من محزمي = لكن ابعفي عنك والمعبود يكرم من عفا
وضحت لك كل الحقايق ثم غطيت اقلمي = انا من اللي مايهاب الموت الى منّه لفا




عفوك لنفسك .. وألا أنا .. سالم بدمي ولحمي = وإليا رميت أرميك حتى عند حدك توقفا
أنا أتسمع للعرب ما أسمع رطين الأعجمي = وأنته لا ترطن وإن رطنت الناس قالوا لك أفااا !!

راس الحربه

أبو مشعاب

الله الله

النوروالإبداع

يكتمل بوجودكم يالغالين

تحياااتي

مرزوووق العتيبي

معاد بااقي غير نتلازم بالحلوووق

النهااايه عندك الله يبارك فيك

وصح لسانك كبير يا أبو محمد

وتسلم

00

اقطع الرمي:)


سلام عليكم

صحت السنتكم يامبدعين

تشرفنا بوجودنا هنا



احترامي

@ صحت ألسنتكم يا مبدعين واصلوا وحنا متابعين .

ماجد الهذلي
مرزوق العتيبي
صحت ألسنتكم يا مبدعين