وين مرزوق العتيبي ياجماعه

ودي العب مع مرزوق بدون قصور فالحاضرين

وين مرزوق العتيبي ياجماعه....ودنا نلعب معه في ربع ساعه....شاعر ويلعب ويسرع اندفاعه.....والحقيقه منقول الحقيقه

تعــــال يامرزوق والــوقت دوار.....كلن على ماقيل ياخذ نصيبه

اثرك فارس فالملاعب ومغوار.....لكن ماعندك من الحكي جيبه

.
حياك الله ياعايض ... ويسعدنا ..




واجب انك ياولد زايد تسلّم
تبتدي به من قبل معنا تكلّم
من بعدها قدمك الكايد تولّم
والحقيقه مانقول الا الحقيقه

امر ياعايض ويش عندك من اخبار؟= نبغى علوم اهل القلوب اللبيبه
علم ٍ ليا قلته جلب كل الانظار = ويصير لك بين الرياجيل هيبه

الله على الابداع
مشكوريــــــــــــــــن
انا متابعكم
تحياتي

..
.
تشرفنا متبعتك ..
ياوليد مرحبا الف ..
..

الله يحيك
خلوووها

ابك انا ياصاحبي رابط حزامي.....وانت جاي تقوللي وين سلامي.....ماتلامي يالعتيبي ماتلامي ....والحقيقه منقول الا الحقيقه

اخبارنا ياصــاحبي شبة نــار.....مافيه شخصن يرتضي بالغليبه

للعلم يامرزوق وارد وصدار.....يـاكــبر علمن لوسمعته مصيبه

ارحب ياوليد وتشرفنا متابعتك

وشكرا على المرور

دامت انّك ماتبا قول السناعه
خلك بعمياك ياراع الضياعه
كيف نقنع واحد ٍ مابه قناعه؟
والحقيقه مانقول الا الحقيقه

لاتوقد النيران تبلش بالاخطار = كب المعاند ياولد وش تبي به
ماشفت فعل ٍ يجعل الخصم يحتار = ارشاش ماجا سيل يمشي شعيبه

خلووووها

كان صادق شبه شب الحرايق......انت شاعر بس منته بابن شايق...قلتها ياصاحبي والجو رايق.... والحقيقه منقول الاالحقيقه

لاصرت تبقى المر بتذوق الامرار.....يشهد علي الله وحضرة عتيبـه

مـــرزوق فــعله يـالربع بس ثرثار....يبقى البسيطه مايبي فالصعيبه

في صف ابومحمد ومتابع

واصلوا

تحياااااااااااااااااااااااااااااتي

دامت انّك ماتبا قول السناعه
خلك بعمياك ياراع الضياعه
كيف نقنع واحد ٍ مابه قناعه؟
والحقيقه مانقول الا الحقيقه

لاتوقد النيران تبلش بالاخطار = كب المعاند ياولد وش تبي به
ماشفت فعل ٍ يجعل الخصم يحتار = ارشاش ماجا سيل يمشي شعيبه
,
,
الله

الله
صح السانك على
الجزاله يابو محمد
... و ليست مستغربه
على مثلك ,,
,
الأخ عايض الدوسري
صح السانك . متابعين ,,

ايه صادق وانت عندي ماتساوي
من يولعها ويسمعك العزاوي
راجع التاريخ وش قال الخلاوي
والحقيقه مانريد الا الحقيقه

النار قدامك ومن فوقك الغار = يالشاعر اللي فيك شكّه وريبه
هذا كلام الصدق وأعتبره انذار = والثرثره لهل العقول الغريبه

خلوووووها

الخلاوي لو يقول الي يقوله....مايغير فالدواسر بسهوله....وانته عتيبي منوختن ذلوله.....والحقيقه منقول الا الحقيقه

ترى الدواسر من طويلين الاشبار ....يوم ان بعض الناس وسط الزريبه

انــته صغيرعــندك علوم وا لكــبار....والــــوقت الاول مادفعن الضريبه

الخلاوي مايعد الا الحقيقه
في كلامه عنده اشهود وثيقه
وانت منها ولّع بقلبك حريقه
والحقيقه هالدواسر ماتبيها
*
ماذمكم لكن في بعض الامرار = اطبيعكم كل العرب تزدريبه
ياطيبكم في هزت الوسط والطار = ترى العتيبي منت واصل لطيبه

بيض الله وجيهكم يا شعار


انا بصف ابن عمي


وثاب العتيبي

...
.
مرحبا ياوثاب ..
يشرفني وجودك في صفي وارق سنود ..
...
.

الله اكبر


صح لسانك يابو محمد وتراي في صفك

لآآن النهايه ...


لاهنت ياعايض وصح لسانك ومتابع ...

..
,

صح بدنك يابو متعب..
..

يشرفني وجودك في صفي..
وعايض ضيفنا وله منّا كل التقدير...
..


كل الود .
.

ماذمكم لكن في بعض الامرار = اطبيعكم كل العرب تزدريبه
ياطيبكم في هزت الوسط والطار = ترى العتيبي منت واصل لطيبه


صح لسانك والله يارزوق
ولا يهون الدوسري

واااااااااااااااااااااااااااصلو

خلووووها

الدواسر فعلها بين القبايل....واضح ومعروف مايبغى دلايل....وانت منهم مقهروالحقد شايل....والحقيقه منقول الا الحقيقه

بعض العرب ياناس ايديته قصار......يتـــعب ويـــتعب مايجيب الذهيبه

انتـــــه حــصيني دايـــم دوم مكار.....طيبك ترى معروف وقت النهيبه

وجهك يا وثاب وشكرا على المرور

ابو مشعاب صح بدنك يالغالي

وشكرا على المرور

صح السنتكم


ازهل الصف يابومحمد

والنار ما تحرق الا رجل واطيها

تحياااااااااااااااااااااااااااااااتي

ولاانت يا بعيد الهقاوي

وشكرا على المرور

صح بدنك

يابن نعيس

وشكرا على المرور

خلووووها

الدواسر فعلها بين القبايل....واضح ومعروف مايبغى دلايل....وانت منهم منقهروالحقد شايل....والحقيقه منقول الا الحقيقه

بعض العرب ياناس ايديته قصار......يتـــعب ويـــتعب مايجيب الذهيبه

انتـــــه حــصيني دايـــم دوم مكار.....طيبك ترى معروف وقت النهيبه

ليه بالله ننقهر والوضع عادي
ساعة الشدّه نضدك يالمعادي
ماتهنا باكل زاد ولا رقادي
والحقيقه مانقول الا الحقيقه

بعض العرب يومي بذيله كما الفار = ون طب بالميدان نال الغليبه
ننهب حلالك يوم وليت الادبار = مافادك اللي باللقاء تنتخي به

ليه بالله ننقهر والوضع عادي
ساعة الشدّه نضدك يالمعادي
ماتهنا باكل زاد ولا رقادي
والحقيقه مانقول الا الحقيقه

بعض العرب يومي بذيله كما الفار = ون طب بالميدان نال الغليبه
ننهب حلالك يوم وليت الادبار = مافادك اللي باللقاء تنتخي به


صح لسانك مليووووون ولا يكفووون

ولا يهوون الدوسري

ننهب حلالك يوم وليـت الادبـار=مافادك اللي باللقاء تنتخـي بـه

يا سلااام يا ابو محمد ...

ابدااااع .. واصل وانا في صفك

>> وانت هنااااااااك منت بصفي :mad:

ههههههههههههههه

على القوة ...

صح السانك يابو محمد

وأنا فالصف مايعتاز

ولا يهون الدوسري

يعطيك العافيه يامرزوق ولاهنت يالغالي

وماقصروا الجميع وسامحني على التاخير

...
.

الله يعافيك ياعايض وصح لسانك ..
...
وللجميع اقول الف شكر على
تواجدكم وتفاعلكم ... ياعيال العم ..
مغليكم ..
...

مشكورين الاخوين- الدوسري - والعتيبي-- على المناقله الشعريه 0

ياعائض اسلم وسلم على الدواسر -بني زائد انت لهم مندبآمناصر

اللي يعرف مسا ريه مهوب خاسر - والحقيقه مانقول الا الحقيقه

أخذيساروخل بعض السوالف يمين - لاجت بعض علوم السلاطين

نحرها جنوبآمن الوادي ونصهاالعين- والحقيقه مانقول الا الحقيقه

صحت السنتكم على المحاورة الرائعه
وبيض الله وجهك يااااااااااااااااااااااااااااااامرزوق
وشهد بالله ان مقامك شرف لعتيبه
وقدها وقدود يالذيب ولاهيب غريبه على مثلك
لك خالص احترامي وتقديري """"""""
سلطان الحافي

...
.

صح بدنك ياشلوت الكفار.
كلامك مصدر فخري واعتزازي ياعصابة راسي
كل الود ...