المنتخب ماياخذك هيهات ---- كابتن مناحى تفضل
النا د ر21-Nov-2006, 01:29 AM
مساك الله بالخير يالكبتن مناحى ودنا نجاريك بالطاروق طال عمرك وانت شاعر كبير ودنا نتعلم منك
ونبا نمزح شوى لوانا ظلمناك
استلم الله لايهينك
سلام يالكبتن وخوذ وهات =اليل جالك كابتن النادى
المنتخب ماياخذك هيهات = ماياخذون اللاعب العادى
كبتن عتيبه21-Nov-2006, 01:38 AM
مرحبا يالناادر واستلم
يامرحبابك وابرك الحزات=والصبح ميعادك وميعادي
انته لا اخذك المنتخب بالذات=تقعد بسد الباب من غادي!!
النا د ر21-Nov-2006, 01:50 AM
ابك البقا واليل ابد مافات = باقى ويبقى جوها هادى
لو يتبعك جمهور بالميات= ماهم مودينك للاسيادى
كبتن عتيبه21-Nov-2006, 01:58 AM
انا عتيبي وانته من ايات؟=خبّر عتيبه يابن الاجوادي
بعض العرب لن طفّت اللمبات=والله مايسطى يقطع الوادي!!
نواف العصيمي21-Nov-2006, 02:04 AM
انا عتيبي وانته من ايات؟=خبّر عتيبه يابن الاجوادي
بعض العرب لن طفّت اللمبات=والله مايسطى يقطع الوادي!!
الله الله
صح لسانك يالنادر وصح لسانك ياكبتن مناحي
وأزهل الصف ياكبتن مناحي
لكم التقدير والاحترام
النا د ر21-Nov-2006, 02:11 AM
انا مطيرى من هل الردات = تعرف هل الردات يامنادى
لاوالله الا طفت الليتات = والدرب اشوفه مانى بغادى
كبتن عتيبه21-Nov-2006, 02:25 AM
والله ونعم ولابكم شكات=جيران فوق الملح والزادي
وحنا هل التاريخ والطالات=عز الرفيق ..ونكبة العادي
لاندكروزر21-Nov-2006, 02:25 AM
صح لسانك يا مناحي وصح لسان المطيري
الجيب
النا د ر21-Nov-2006, 02:55 AM
وانتم كذلك مابكم هسات = نعمين فيكم جمع وافرادى
وحنا هل الوقفات والفزعات= تشهد لنا الدوله وبغدادى
النا د ر21-Nov-2006, 03:02 AM
كابتن مناحى الله لايهينك
كان الله احيانا اذا حبيت نكمل غدا
لك كل الشكر
مرزوق حمدان العتيبي21-Nov-2006, 11:15 AM
...
.
جزاله وابداع
من النادر والكبتن
الله لايهنكم .... وانا في صف النادر ...
ولاهان ابو الكباتن هههههههه
والليل ياشعار ...
..
ننتظركم لمواصلة ابداعكم.....
الصقر العبدلي21-Nov-2006, 09:24 PM
ياسلام عليك يالنادر
مبدع دائما
وانا ماسك صفك الا مالانهايه
لك ودي
سلطان الجـذع21-Nov-2006, 11:41 PM
الكابين صح لسانك يامبدع ولايهون رجم النايف
مودتي
