كل ما جيت ابا خذلي مع الوقت سجه ( للشاعر / عقاب المرشدي)

كل ما جيت ابا خذلي مع الوقت سجه=واطلق النضره اللي ماتهيا نظرها
واتسلا مع الايام والهم ادجه=لين يصف الظمير من الهموم وكدرها
ثم يصفيلي الجو من هبوبه وعجه=ثم تزين الليال وزينها من قمرها
واتكلم ومخي مادخل فيه رجه=كلمة كل رجال فهيم اعتبرها
مار انا كيف اسوي كل الايام صجه=سيرة العمر سيره والسنين تخبرها
يازمان العجايب والعبر وين اوجه=انت معاد خليت اقتصر واختصرها
اربع سنين كل افكارنا مستلجه=علةً لا تهيد ولا لقينا خبرها
يضحك اللي مايدري بس صجه ولجه=اللهم انها كلمة لسان وهذرها
كل باب على مايسر الله نهجه=نطلب اللي وراها بس مالله ومرها
يرسل الرمح واللي قدم خشمه يفجه=حربة ذياب في صم الصفا بان اثرها
يالله اللي لك عبادك تصوم وتوجه=بالدعاء والتضرع والخشوع يغمرها
انك تحلها عقده تلوت ودجه=راسها مختلط مع ذيلها مع ظهرها
كل ماجيت احاولها ليا ماش حجه=ماتبين لا راعيها واللي ذكرها
والنهايه مافي الايام راحه وسجه=زال باقي لااحد حاجه عجز ماقدرها

بيض الله وجهك ياذيب كبشه
على الاختيار الموفق للقصيده
وصح لسان الشاعر عقاب المرشدي
ويعطيك العافيه
تقبل تحياتي اخوك ذيب كميت