دنياك هذي لها ساعة وميعادي

هذه القصيدة أعجبتني ونقلتها من جريدة الرياض:



اليوم عاينت في تاريخ ميلادي

اليا الثلاثين من عامين فاهقها=

مرت عليه مثل حلم بمرقادي

يا سرع الايام تسبق من يسابقها=


ايام مرت علي افراح واعيادي

وايام مرت ودمع العين مغرقها=


ميزت دنيا الفنا من كل الابعادي

لاذاك مولود والثاني مفارقها=


عد عليه الملا صادر وورادي

غدارة ما تصدق من يصادقها=


مهما تشيد بوقتك صرح وامجادي

ومهما تعليت في عالي شواهقها=


لابدلك يوم تسكن تحت الالحادي

والنفس امانة وترجع عند خالقها=


الرابح اللي قضاها حرب وجهادي

ايديه في عروة التوحيد وثقها=


يؤمن بربه ويشهد له بالاشهادي

شهادتين خفيفه يوم ينطقها=


وخمس الفرايض ركيزة دين واعمادي

الرابح اللي صلاواته يرفقها=


ليصام وقيام شهر الخير معتادي

زكا زكاته ومن حرصه يسبقها=


يحج عام اقتران وعام افرادي

عام ورى عام والكعبة يعانقها=


ويقرأ كتاب الله المنزل على الهادي

ينصت لقارته واحكامه يطبقها=


ويالله عسى جنة الفردوس مخلادي

واسلم من النار لاهبها وحارقها=


ودنياك هذي لها ساعة وميعادي

ولا صار شمس الضحى من غرب مشرقها=

نواف حشر الدعجاني العتيبي

بيض الله وجهــك يالقسامي

صح لسان شاعرها وسلمت يد ناقلها

مشكور وماقصرت على النقل