انــــــــــــا هـــــــــــــواي

بسم الله الرحمن الرحيم
قصيدة للشاعر نايف بن صالح الفهيد الاسعدي


انا هواي او خاطري يسفهلِ
وسط النفود إو بين حرش العراقيب
وادلل ابكاري وارحب واهلي
في كل مزيونة من شمخ النيب
بأرض قفر ما بين عرق إو تلِ
يشدى شذى نوارها ريحة الطيب
والطير يلعب في إرباها إمفلي
بأرض عذية ما وطاها الحطاطيب
وانزل ابخد نأيف وامتعلي
ما ادور الطامن كثير العذاريب
واطع ناري وابتهل في محلي
واقرب ادلالي إلصالي اللواهيب
واقوم واذن ثم اسبح واصلي
واطلب ولي يعلم السر والغيب
مع ربعي الأدنين او بعض اصدقاً لي
خبرة نقية مادخلها دباديب
جلسة نقا عن كل هم اتسلي
مرفية عن كلمة الزور والعيب
نفرح اليا مر المسير إوحلِ
سلم الجدود اللي تواصوا على الطيب
نطرح لهم بالأرض فرش إو زلِ
ونبين الفرحة ابكثر التراحيب
والمال كله من ادقاق إوجلِ
حلاوتة ياصاحبي بالمواجيب
واللي ورانا من اعيال إوخلِ
يرزقهم اللي رتب الكون ترتيب
والعمر يفنى والتجاير اتولي
إويا سرع ما تقضبك عوج النواشيب
الرابح بالطاعات والخاسر اللي
وجهه عبوس يوم فتح المكاتيب
لا تحسبن الله قطوع ايخلي
الله كريم يستجيب المطاليب
يا الله تغفرلي اذنوب مضن لي
اغفر إلمنهو تايب توبة امنيب
صلاة ربي عد مازال ظلِ
على النبي الهاشمي منقع الطيب

الله الله....



رائعة...


صح لسان قايلها...


لاهنت على النقل...

صح لسان الشاعر