ناصر المرشدي
نايف بن ملحق الثعلي07-Feb-2009, 08:30 PM
يامرحبا بسم ربعن ترفع الراس=اعتيبه الي مواقفهم عظيمه
ياناصر المرشدي ياجعل ماباس=ارتاح لاتمسح دموع اليتيمه
خالد المقاطي07-Feb-2009, 08:32 PM
ياناصر المرشدي ياجعل ماباس
ارتاح لاتمسح دموع اليتيمـه
ياناصر المرشدي ياجعل ماباس
ارتاح لاتمسح دموع اليتيمـه
ياناصر المرشدي ياجعل ماباس
ارتاح لاتمسح دموع اليتيمـه
الله علاكــــ يانايف : صح لسانك
ولسان القدير الشاعر : ناصر المرشدي
..
نايف بن ملحق الثعلي07-Feb-2009, 08:34 PM
خالد المقاطي ارحب
مرورك يشرفنا
ناصر المرشدي07-Feb-2009, 08:52 PM
دام البقاء من وفاء وشعور واحساس=يامقدم النعم يامال الغنيمه
ماهيب نقطة حبر في صدر قرطاس=يشيّب الراس من هول الجريمه
ناصر المرشدي07-Feb-2009, 08:54 PM
خالد المقاطي
مشكور على تواجدك والمشرف
نايف بن ملحق الثعلي07-Feb-2009, 09:12 PM
لوكان في خاطرك نيه وهوجاس=ماتبرح درب فوق اشداد ريمه
اثرك يالمرشدي للشر مقباس=ومدور الشر جعل امه عقيمه
ناصر المرشدي07-Feb-2009, 09:21 PM
لو ماعلى الباب دوريه وحراس=يبا يبين الجبان من الصتيمه
حنا هل الدرع واهل السيف والطاس=لنا على الكايده عزم وعزيمه
معجب العتيبي07-Feb-2009, 09:23 PM
الله الله
نايف الابداع كعادته يعود بشي مميز
صح لسانك
ولسان صاحب الكلمات العذبه
والردود الناريه
ابو تركي
معجب العتيبي07-Feb-2009, 09:26 PM
نايف بن ملحق الثعلي
يامرحبا بسم ربعن ترفع الراس=اعتيبه الي مواقفهم عظيمه
ياناصر المرشدي ياجعل ماباس=ارتاح لاتمسح دموع اليتيمه
ناصر المرشدي
دام البقاء من وفاء وشعور واحساس=يامقدم النعم يامال الغنيمه
ماهيب نقطة حبر في صدر قرطاس=يشيّب الراس من هول الجريمه
نايف بن ملحق الثعلي
لوكان في خاطرك نيه وهوجاس=ماتبرح درب فوق اشداد ريمه
اثرك يالمرشدي للشر مقباس=ومدور الشر جعل امه عقيمه
ناصر المرشدي
لو ماعلى الباب دوريه وحراس=يبا يبين الجبان من الصتيمه
حنا هل الدرع واهل السيف والطاس=لنا على الكايده عزم وعزيمه
نايف بن ملحق الثعلي07-Feb-2009, 09:36 PM
الدرب قدام والفزعات نوماس=ياناصر اثرك ابوعينن كريمه
نعمن بكم يالرجال الي علي ساس=مانيب ظالم ولا اقول الظليمه
ناصر المرشدي07-Feb-2009, 09:46 PM
ماهيب هقوة خصيم الرز ابو كاس=الراس مطنوخ والنيه سليمه
ماشفت نايف ورى الهمال عساس=وابوه قدمه منفذ في بريمه
نايف بن ملحق الثعلي07-Feb-2009, 09:52 PM
يقلون من لا يدوس الراي ينداس=ياناصر اكثر سواليفك قديمه
بعض العرب للثياب البرق لباس=لاكن حنا لنا هيبه وقيمه
ناصر المرشدي07-Feb-2009, 10:05 PM
ياللي ذبحت الرجاء لاتحيي الياس=شريم ناره بلاها من شريمه
بعض العرب في قدوره يطبخ الفاس=يقول يبا يعقب السيل ديمه
نايف بن ملحق الثعلي07-Feb-2009, 10:15 PM
لاتحسبنك تجيب الدر والماس=الحرب ياصاحبي نصر وهزيمه
ماكل فارس يصخر قب الافراس=لاتتبعون الشياطين الرجيمه
ناصر المرشدي07-Feb-2009, 10:33 PM
البن ماينحمس من دون محماس=ومن لايريده لعله بالحريمه
لا لاح برق المزون وهب نسناس=خلك مابين الغراره والوضيمه
نايف بن ملحق الثعلي07-Feb-2009, 10:40 PM
اكليب موته سبايب رمح جساس=تراك مجنون والدنيا مقيمه
وقت المواقف تري مافيه مجلاس=والامن سايد عسي ربي يديمه
ناصر المرشدي07-Feb-2009, 10:51 PM
اثرك خواف يانايف وحساس =شوي يانايف تذب الخريمه
الـ كل حاجه مع الايام مقياس=تبين فالوقت من سينه لــ جيمه
نايف بن ملحق الثعلي08-Feb-2009, 10:52 AM
مانيب خواف لودقن الاجراس اردبها مار ماتصدر محيمه
يااللاعب الي تفكر تاخذ الكاس بعض السوالف عواقبها وخيمه
نايف بن ملحق الثعلي08-Feb-2009, 10:59 AM
مانيب خايف ليا دقن الاجراس اردبها مار ماتصدر محيمه
يااللاعب الي تفكر تاخذ الكاس بعض السوالف عواقبها وخيمه
نايف بن ملحق الثعلي08-Feb-2009, 11:03 AM
مانيب خايف ليا دقن الاجراس اردبها مار ماتصدر محيمه
ياللاعب الي تفكر تاخذ الكاس بعض السوالف عواقبها وخيمه
نايف بن ملحق الثعلي08-Feb-2009, 11:04 AM
الجهاز تعطل
لاكن الختام عندك
خالد نوار العتيبي08-Feb-2009, 02:47 PM
صح لسانك
ابيات رايعه
بارك الله بيك يانايف
تحياتي لك
بندر المرشدي08-Feb-2009, 04:15 PM
محمد شبيب السبيعي08-Feb-2009, 07:04 PM
صحت الالسنه والقلوب على هذا الابداع
وبالتوفيق
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
