ناصر ... ومكاين الخياطة...... قصة تجارة
بندر المرشدي19-Apr-2009, 06:09 PM
ناصر المرشدي ودع حياة البساطة=والتجِارة دَخلْ من واسع ابوابها
انفتح باب رزقه من مكينة خياطة=جايته ورث... مدري كيف هو جابها
معجب العتيبي19-Apr-2009, 06:13 PM
الله الله
بندر التحدي يعود بهجمه كاسحه
وننتظر الخصم العنيد ناااااصر
صحة السنتكم
والله يستر علي انا واياك يابو سلطان
طلبناه بنفس الوقت
بدر الكريزي19-Apr-2009, 06:17 PM
ناصر المرشدي ودع حياة البساطة
وللتجِارة دَخلْ من اوسـع ابوابهـا
انفتح باب رزقه من مكينة خياطـة
جايته ورث... مدري كيف هو جابها
:)
الله الله .. صح لساااانك يا بندر ..
مبدع كعادتك ..
بإنتظار المرشدي ناصر ..
متااابع .. متااااابع ..
ناصر المرشدي19-Apr-2009, 06:59 PM
انت باقي الى هالحين على البلاطه=كل كلمه تقدما احسب احسابها
يوم سلعتك حبة ثوم مدري طماطه=لاتخفي علومك قد درينابها
بندر المرشدي19-Apr-2009, 07:30 PM
كل واحد على قده يزاول نشاطه=لو رضيها طويل العمر ما أرضى بها
خل عنك المراوغ .. خل عنك العباطة=لا تكتّم على ثروتك وأسبابها
بندر المرشدي19-Apr-2009, 07:31 PM
معجب وبدر الكريزي
صحت ابدانكم
الله يعين على الانترنت
فواز السعيدي19-Apr-2009, 07:33 PM
ياسلام ياسلام
محراف كايف
متااابع
ناصر المرشدي19-Apr-2009, 07:44 PM
ماملينا يدينا من يدين الوساطه=عزة النفس عزتنا وعشنابها
ليت بندر يريحنا ويترك هياطه=لانمشي له الاولى ويضرابها
ابو لمار19-Apr-2009, 07:49 PM
ناصر المرشدي ودع حياة البساطة
وللتجِارة دَخلْ من اوسـع ابوابهـا
انفتح باب رزقه من مكينة خياطـة
جايته ورث... مدري كيف هو جابها
الله الله .. صح لساااانك يا بندر ..
مبدع كعادتك ..
انت باقي الى هالحين على البلاطه
كل كلمه تقدما احسـب احسابهـا
يوم سلعتك حبة ثوم مدري طماطه
لاتخفـي علومـك قـد درينابهـا
الله الله
صح لسانك ياناصر
رد وافي يامبدع
واصلوااااا
متااابع .. متااااابع ..
علي فلاح العضياني19-Apr-2009, 07:51 PM
الله الله
صحت الالسنه
الابداع كلّه
موووووجوود
هـــــــــــــــنــــــــــــــــــــا
ناصر + بندر = شعار كبار
بندر المرشدي19-Apr-2009, 08:27 PM
شفتها وسط حضنك بالايادي محاطه=ماركة(سنجر)اللي مايحلابها
لاتجنب هدى الهادي وتخطي سراطه=اشكر النعمه ولاتجحد اصحابها
قادح شرار19-Apr-2009, 08:39 PM
هههههههههه ...
والله ونعم يعيال مرشد ..
بس ليتكم مكملين طاروقكم ..
صحت ألسنكم ..
واليوم أول يوم أرضى علاكم فيه .. هههه.. :)
نوآف الغنامي19-Apr-2009, 09:03 PM
ههههه
صح الله السنتكم وبيض الله وجيهكم يا عبال مررررررشد
ابداع لا يستغرب
واصلوا لا تقطعونهااااا
..
بندر المرشدي19-Apr-2009, 09:07 PM
فواز السعيدي
المميز حضورك صح بدنك
بندر المرشدي19-Apr-2009, 09:08 PM
ابو لمار
الف شكر على المرور المشرف
بندر المرشدي19-Apr-2009, 09:09 PM
قادح شرار
صح بدنك واهم شيء رضاك يامشاكس
سلطان بن ثعلي19-Apr-2009, 09:11 PM
بندر المرشدي + ناصر المرشدي
صحت الالسن والقلوب والله
وبيض الله وجهكم على هالطاروق الجزل والكايف
واصلوا والله يقويكم
متابع للجميع ولكم تحياتي
بندر المرشدي19-Apr-2009, 09:12 PM
خيال الصفراء
بيض الله وجهك انت
شرفتنا بمرورك
عبدالمجيد العطاوي19-Apr-2009, 09:15 PM
هههههههههههههه مكينة الخياطة طلعت مصدر رزق ,,, هذا والله الزمان الأمحق ,,, صحّ لسااااانك يابندر وانا محايد مادام كلّكم مراشدة
:)
ناصر المرشدي19-Apr-2009, 09:40 PM
افتح عيونك الثنتين والراس طاطه=واعرف الناس حاضرها وغيابها
المهمه فابو سلطان بندر مناطه=صار دلالها في حضن جلابها
ناصر المرشدي19-Apr-2009, 09:51 PM
كل من شرفنا بالمتابعه
بيض الله وجهه
والمعذره عن التاخير لكن مثل مانتم شايفين
تقبلوا ودي وتقديري
بندر المرشدي19-Apr-2009, 10:03 PM
أنت ماهر وسوق البيع تعرف نقاطه=مع هل الصنف الك و قفات يحكى بها
من تعشى لحمة الثور يعرف شياطة=مار فقّد علومك قبل تبدابها
علي فلاح العضياني19-Apr-2009, 10:07 PM
شفتها وسط حضنك بالايادي محاطه
ماركة(سنجر)اللـي مايحلابـهـا
شفتها وسط حضنك بالايادي محاطه
ماركة(سنجر)اللـي مايحلابـهـا
بندر المرشدي19-Apr-2009, 10:08 PM
سلطان بن ثعلي
صح بدنك
مرورك مشرف
بندر المرشدي19-Apr-2009, 10:10 PM
عبدالمجيد العطاوي
صح بدنك والله يحييك
مرورك يسعدنا كثيرا
ناصر المرشدي19-Apr-2009, 10:17 PM
نعرف السوق وانته ذابحتك القعاطه=ماتخاوي رجالِ تفتل اشنابها
انت طباخ لحمه وانت مطلق رباطه=قبل لاتبلي العربان تبلابها
قادح شرار19-Apr-2009, 10:22 PM
طيب طيب ...
طاروووووق رائع ..
وأنا متابع إلى الرمق الأخير ...
بندر المرشدي19-Apr-2009, 10:33 PM
الكلام ان سقط ماني بتابع اسقاطه=هرجةٍ ما تثمن نترك اعرابها
الولد حرف الهرجة وكثر خراطه=مار ابا اقفّل الغرفة ودولابها
علي فلاح العضياني19-Apr-2009, 10:41 PM
مار ابا اقفّـل الغرفـة ودولابهـا
مار ابا اقفّـل الغرفـة ودولابهـا
مار ابا اقفّـل الغرفـة ودولابهـا
ههههههههههههههههههههههههههههه
ناصر المرشدي19-Apr-2009, 10:49 PM
مادريت ان فيك ان جاء المحك انفراطه=تشعل النار لين يجيك مشهابها
الولد جرحك المقتوق شقه وخاطه=مير غرفتك سكر دونها بابها
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
