قصيدة رثاء في الشيخ جهز بن ناهس بن سحمان الشيباني

هذي ابيات متواضعة رثاء في الشيخ جهز بن ناهس بن سحمان الشيباني رحمة الله

http://www.up-00.com/s3files/OO681506.bmp

شعر / سعود الشنان العصيمي

يالله أنا طالبك من زين الاعمال=والصبر والثبات عند المصايب
ياخالق الانسان من طين صلصال=الكون بأمرك والأوادم جلايب
جانا الخبر بس الخبر كدر البال=قالو جهز حطو علية النصايب
قلت البقاء لله تعظيم واجلال=وحنا فقدنا من يسد النوايب
لاوالله ألا غاب يافراس رجال=حفيد بن سحمان عطب الضرايب
زيزوم بن زيزوم وسلالة أبطال=اختاره المعبود جزل الوهايب
رجل الكرم رجل الوفاء واف الاخصال=لابد مايبكي فراقه حبايب
عزاي لاولاده والاخوان والخال=وذوي خليفه كلهم والقرايب
مرحوم يا أغلى شخص في كل الاحوال=غلاه عندي حي لو كان غايب
يالله عسى لة جنة الخلد منزال=برحمتك يامنشي صدوق السحايب

رحم الله الشيخ جهز وادخله فسيح جناته



صح لسان الشاعر عز الله ان ابياته درر





مشكور ياخالد ويعطيك الف عافيه




تحياتي ..

رحم الله الشيخ جهز وادخله فسيح جناته



صح لسان الشاعر ..

مشكور ياخالد ويعطيك الف عافيه




ودوم التوفيق