من لايعدك مكسب لاتعده راس مال

يقول من ينظم بيوت مجده = ابيات منظومه بفن ومهاره
من بحر هايج وان تحرك بمده = مده يجي أعلى من جبال قاره
البارحه جريت صوتي لحده = صوت(ن) تعلى صوت راع المناره
من هاجسٍ دك الحشا لين هده = سلط جيوشه واطربه صوت طاره
يامل عينِ ماتعرف المخده = وعزيل كبد(ن) تصطلي من حراره
أسبابها قومٍ غدة مستبده = ناس (ن) تشن الظلم في كل غاره
معهم من الشيطان من كل عده = خاط القميص وزر محكم زراره
وشلون بصبر والصبر باح سده = وصبر(ن) على هالجور ماهو شطاره
عزمت اسرج كل سرج(ن) واشده = واللي مهوب حصان فوقه وثاره
من لايعدك مكسب(ن) لاتعده = لك راس مال اما حسبته خساره
فصل له الملبوس تفصيل قده = واحذر تعم وخل للضرب شاره
جازه بسياته وجازه بصده = خله يذوق من الكدر والمراره
ولابد عسرات اليالي ترده = ويقتص راع الثار في رد ثاره
اما حياة(ن) هانيه مجرهده = واللا عراك ما يوني غباره
وباب(ن) يجيب الريح حنا نسده = الحر حر ويفتهم بالاشاره
هذا كلام اللي بيوته مجده = لامن نظم ينظم بفن ومهاره

صح لساااااااااااااانك مليون

صح لساااااااااااااانك مليون

صح بدنك يالنشمي

كم اسعدني تواجدك هنا

لاحرمنا الله من امثالك

شكراً لك من الاعماق