اللي وده يسولف يقرب جاي

يا سلام الله سلامن يعم اللي قـراه

منتدى الهيلا جمعنا على عز و فخـر



ويش راي عتيبه بشيخً الله كم بلاه

ينقلون رسالته من زمان و ماظهر.!

مرحبا بك يوم علمك علي راس الحصاه=بالعميل اللي دلاله علي شبت سمر
والله ان الراي عندي ولاكن وش مداه=قرب القيفان ما تسمع اذان العصر

يالله حي سراب ياخوك بصلي العصر واكمل وياك بعد الصلاه ماشي توه اذن
ضروري اكمل وياك

البقى يا الاصمعي واذبحو لي الف شاه

واعزم اهل المنتدى عقب صليت الظهر..!



فتش الاوراق واعرض ملفي للقضاه.!..

وخل قلبك يالعتيبي مثل صم الصخر..!..

الله الله
ياسراب كمل ابداعك

ياسراب ن يخدع العين والضامي يباه=مالقى له حاجتن لاوصلها تنذكر
والله اني كاتبن فالعدل واكتب نباه=وابشر بحاشي مفطح علي عز وقدر

العتيبي ما خبرته يرد اللي نصـــاه.....!

يقضي الماجوب لو كلفه قصف العمر.!



لكن اللي وصل رسالته يمكن عطاه..!

مير يكتب وان كتب علةً وسط الـ نـحر

العتيبي يارفيقي رفيع ن مستواه=والمشايخ بعضها لا تسر ولاتضر
واجب الرجال فرض ن ولا نبغي زكاه=مير شفتك يابن لادن وشيطانك حضر

ليتك انته تسمع اللي سمعته فالقناه

خلها مستوره ان كانها تبغى الستر..!



العتيبـي ما ندور عــن الــزله وراه...!

كلمتن ما قلتها ..خلها وســط الصدر

صاحبي شاعر وبالجزل مابين رداه=كم قناة ن بالتلفزون ماهي تنحصر
والخبر شفت الجزيره تغطيه بغطاه=والحقيقه خلها بالصدر لو هي جمر

يا العتيبي لو نخيتك تدور لـي عــلاه....!

بمسك لسانه و اقصه واحطله حجر...!



لو بعت اللي وراك ولقيت اللي شراه

لآ تخلي دربك اللي مشيته من شـهر

سراب انا اجدد الصفحه الاولي من اليوم ولا نتبهت ان الصفحه الثانيه شغاله ولا شفت ردك الا تو
احسبنك طولت السموحه توني اشوف ردك الخطا مني والحين برد

والله اني ماسك البندقيه بإنتباه=محتزم في محزمي لاتشوفنا خطر
وانت اضنك بعتها يوم خليت الصلاه=مير انا علم الشكاله معاها من صغر

الصقر لو يعرفه كان يمكن ما شواه....!

مير اثرها منطقه ....دونها غابة شجــر


يا العتيبي طالبك خلها تحت العباه.....!

لا تكشّفها على الناس ثم انت تخسر

ياسراب اللال شيخك عرفنا مبتغاه=والعباه اللي معك حطها فوق الخصر
شيخكم يمشي وراكم وليله قد سراه=غابتك جازت لشيخك وتصلح له وكر

شكلك انته تفهم اللي بغيته (بالعصاه)

يالله انك لا تـفـك السـجون اللي حدر..




انت ذيبً مير كلً تطمّع في عـشـــاه

مير خلك يا ولد مثل ما انته في قشر

والله اني فاهمك مير اطبق لي وصاه=فلت إحجاج النشاما نطرناها تمر
ذيبكم يبغى عشى ذيبنا سوا غداه=كلبونا عندنا خير مير اقدع تمر

انت ذيبً مير مخلبك قصوه الرماه..!

طيع شوري يا ولد خلك ببيت الشعر


لو تسمع كلمتي صار لك منصب و جاه

المشاكل ما نباها ......ولكنك عسـر

ياسراب اللال قرب نبى نلعن ثواه=عقب شيخك ياسراب إرتكي غصن ن خضر
لي مقامن عند الاجواد من دون الخطاه=واحمد الله عزت النفس منتوج الصبر

سراب انا لازم اطلع الحين ضروري والخاتمه عندك
ومشكور عزالله انبسطنا معك
والله يرحم والديك
وعزالله انك وسيع بطان
ولنا معك موعد باذنالله
تقبل احترامي

محزمي يا الاصمعي يالصحيب اللي عساه

يعطي حقوق العرب من بدو والا حـــضر....!



يـالله انـك لا تـزود لــه الـليلـه شـقــاه......!

والثمان اللي معك كيف صارت لك عشر..!

سراب اللال


الاصمعي




صحة الالسن والقلوب



طاروق جزل

مشكور اخوي معجب العتيبي
لاهنت علي المتابعه والمرور الكريم