الاسم نوره واخر الجد مصيون

اول مشاركه
اتمناء ان تنال اعجابكم



كل البشر في الاتصالات يخطـون****يخطون واخطي عذرنا هاتف فلان

ومن عادتي ما هتم باللي يقولـون****من غلط في رقمي لقى الرد غلطان

ألين جـاء في يوم ودق التلفـون****وشفت الرقم لقيته أشكال وألوان

فتحت جوالي أبعــرف من يكـون****سمعت صوت فيه بحــه وفتـان

قالت لي أنت سعود قلت ايه بالعون****لعيونك اسمي سعود لوكان زيدان

قالت يمكن مخطيه قلت وشلون****قلبي توقف مانبظ فيه شريــان

بالهون يابنت الاجاويد بالهون****من عادة الانسان يرتاح لانسان

أسمعي يابنت ترى أبليس ملعون****وخذي كلام مصدره صدق وجدان

ماني بقايل لك انا انسان مزيون****اسود ولاله شبه في الانس والجان

انا سلطان وافي الهرج موزون****أوزن كلام قبل أقوله بميزان

وانا الذي لاحب لايمكن يخون****مخلص مدامه حي ويموت ماخان

وانا أذا حبيت حبيت بجنون****حبي يفجر داخلي الف بركان

وانا الذي ماطرد ورى من يقفون****من صد عني عمد بجزيه حقران

هذي وصوفي واكثر الناس يشرون****وأنتي عليك اليوم تقدير الاثمان

قالت اشوفك قمت ياسلطان تمون****تضحك وضحكتها تقاسيم فنان

قلت الميانه ماهي بضحكت سنون****أحيان ما تلقينها بين اكثر الاخوان

ترى الميانه شي واضح ومضمون****أذا اجتمع شخصين في قلب ولسان

قالت كلامك وافي ياأحلا سلطان****أحس ان جلستك بين شيبان

ياسلطان اسمع كلام البنت ميسون****أسلوبك ووقتك مضت دونها أزمان

هذا زمن قدواته أفلام كرتون****وهذا زمان برجاله أجساد وأبدان

قالت وغنت لي على وقتي لحون****قلت اسكتي من بعد مخاطري شان

انا أدري ان الوقت من دون في دون****لكن فمان الله وانس الذي كان

قلته وانا صامل وهي عندها أذون****لكنها ماصدقت سمع الآذان

ضاقت وخلق الله دايم يضيقون****وانا قفلت الخط ضايق وزعلان

ونسيت والأجواد في الوقت ينسون****ماسمي الانسان آلا بنسيان

المشكله بنات حوا ما يسلون****دقت علي وأنا لها شبه شفقان

قبل أتكلم قالت اسمع ولاتهون****اسمي مهو ميسون حان الصدق حان

الاسم نوره وآخر الجد مصيون****مهره ولا طوعت بلجام وعنان

قلت ارحبي مليون تضرب بمليون****أقولها مليون بالفم المليان

قلت ارحبي في العين ولحافك جفون****وظلالك من الشمس بأهداب الاعيان

ياعين حر بالمطاليع مفتون****حر شراه مولع الصيد طربان




الشاعر :(( للأسف)) غير معروف

قصة وقصيدة فيها طرافة ..

لك الشكر على إتحافنا بها ..



تحيااااااااااتي

وصل العطياني


اسعدني مرورك
شاكراً لك

مشكووووووور ما قصرت

مروي العطاشا


العفوووووووووووووو

وشكراً على مرورك
ولاهنت