منيف المنقره وعبدالمجيد الجهني

السلام عليكم ورحمة الله وبركاته





عبدالمجيد الجهني:




يا ابو مناحي من بعد مالقيناك=نبغى نوقع معك صفقه جديده




قدملنا عرضك وعدد مزاياك=وابشر بشيكٍ ماتناقص رصيده



منيف المنقره:




يامرحبا حياك حياك حياك=واللي تبى ماهي على الله بعيده




عرضي مصان وياعسى اللاش يفداك=اليا نطقت انطق بجمله مفيده



عبدالمجيد الجهني:




احيان يازينك ويازين طرياك=واحيان تعصدها سواة العصيده




ياذيب لابالله يازين مرماك=بحطها مابين عينه وديده




منيف المنقره:




اخر زمن شرواي يسكت لشرواك=هذي قصيده من وراها قصيده




ان كان هذا العلم ماني بوياك=ازهم لراع الديد يرضع وليده




عبدالمجيد الجهني:




واخر زمن نسكت لمثلك وحلياك=مال الحديده غير ضرب الحديده




تشتال سيفك مير عود بعلباك=ومنيف لو روح ماقلنا فقيده




منيف المنقره:




ضربت يمنايه لما اوجعت يمناك=لكن انا بقول فرصه سعيده




طلاق من راسي لا اخاصمك وانساك=يا الجافل اللي كل صايديصيده
عبدالمجيد الجهني:




هذا اعتراف انا ياشاطر ضربناك=علمٍ يضرك يا اجودي لاتعيده




امر مثلك يا اجودي واتعداك=راسي عنيد مقابلله عنيده




منيف المنقره:




سبحان ربٍ يا ابيض الوجه سواك=مثلك ما اظن الدم يمشي بوريده




نحسب خطايانا ونحسب خطاياك=وربك يدبر بالعرب مايريده




عبدالمجيد الجهني:




سواك ربي مير في فعلك اشناك=في كل ليله تجردلك بجريده



[/url]




http://www.youtube.com/watch?v=2PUbHYlhCMo&feature=related

ياذيب لابالله يازين مرماك=بحطها مابين عينه وديده



منيف المنقره:





ان كان هذا العلم ماني بوياك=ازهم لراع الديد يرضع وليده


ههههههههههههه


الذيب ماله ديــــــــــــد

^^

إيه أبو أبو مناحي أفطن منه قال له تعال أرضع ديد الذيب ههههههههههه


قدملنا عرضك وعدد مزاياك=وابشر بشيكٍ ماتناقص رصيده

عرضي مصان وياعسى اللاش يفداك=اليا نطقت انطق بجمله مفيده


منيف لم يتحمس للمحاوره ولم تكن أبياته بالشكل المطلوب ..

يبدو أنه غير رأيه في هذه المعاني لذلك نراه يجاري الشاعر فقط ( يسلك له )

طلاق من راسي لا اخاصمك وانساك=يا الجافل اللي كل صايد يصيده


هههههههههههههههههههههه


ارى الشاعر عبد المجيد واثق من نفسه بقوه ويعاب عليه التسرع في الرد ..

قدملنا عرضك وعدد مزاياك=وابشر بشيكٍ ماتناقص رصيده


ولكن ماهو المراد بهذاالبيت

هل حسب مافهمنا

^^

ظاهر البيت قدم لنا عروضك ( مثل عرض تجاري أو ما شابه ) وهنا على أنه يقصد مهاراتك الشعريه

ولكن باطن البيت قدم لنا عْرضك بتسكين العين

كل المسلم على المسلم حرام: ماله وعرضه ودمه

وسلامتك

ياذيب لابالله يازين مرماك=بحطها مابين عينه وديده



منيف المنقره:





ان كان هذا العلم ماني بوياك=ازهم لراع الديد يرضع وليده


ههههههههههههه


الذيب ماله ديــــــــــــد




اشكرلك مرورك يا البقمي

^^

إيه أبو أبو مناحي أفطن منه قال له تعال أرضع ديد الذيب ههههههههههه


قدملنا عرضك وعدد مزاياك=وابشر بشيكٍ ماتناقص رصيده

عرضي مصان وياعسى اللاش يفداك=اليا نطقت انطق بجمله مفيده


منيف لم يتحمس للمحاوره ولم تكن أبياته بالشكل المطلوب ..

يبدو أنه غير رأيه في هذه المعاني لذلك نراه يجاري الشاعر فقط ( يسلك له )

طلاق من راسي لا اخاصمك وانساك=يا الجافل اللي كل صايد يصيده


هههههههههههههههههههههه


ارى الشاعر عبد المجيد واثق من نفسه بقوه ويعاب عليه التسرع في الرد ..




هلا ومرحبا ياسيف واشكرلك مرورك

كثير مايتفاجاؤن شعراء المحاوره الكبار بمستويات الشعراء الشباب اللي يواجهونهم واغلبهم اذا لاحظ ثقة الشاعر الشاب وراى سرعة بديهته يحاول ان يقتل حماس ذلك الشاعر ويبداء يغير في اسلوبه المعروف عنه

قدملنا عرضك وعدد مزاياك=وابشر بشيكٍ ماتناقص رصيده


ولكن ماهو المراد بهذاالبيت

هل حسب مافهمنا



ابو صالح ما ادري والله وش اللي انت فهمته ياليت توضحلنا

لكن انا حسب فهمي راح اوضح يقول عبدالمجيد الجهني:

يا ابو مناحي من بعد مالقيناك@@ نبغى نوقع معك صفقه جديده

قدملنا عرضك وعدد مزاياك=وابشر بشيكٍ ماتناقص رصيده



وهنا ربط رائع للبيتين ببعضهما ودخول جميل للمعنى المراد اللعب عليه

لكني تفاجاءت بردود المنقره ومن بعدها حسيت الطاروق ضاع معناه انما هي مجرد ابيات وكل شاعر يرد على بيت زميله فقط


ويمكن تكون الابيات الاولى لعبدالمجيد فيها شي من ناحية كونها مقلب شعري وهي تمشي على جهتين اما معنى واما مقلب والله اعلم بنية الشاعر

^^

ظاهر البيت قدم لنا عروضك ( مثل عرض تجاري أو ما شابه ) وهنا على أنه يقصد مهاراتك الشعريه

ولكن باطن البيت قدم لنا عْرضك بتسكين العين

كل المسلم على المسلم حرام: ماله وعرضه ودمه

وسلامتك



سيف شامان نورت الصفحه ومشكور على الايضاح لاخلا ولاعدم اخوي

محاورة خاويه من المعنى وروح الشعر واشبه بسوالف اخر الليل

ضربت يمنايه لما اوجعت يمناك=لكن انا بقول فرصه سعيده


هذا الشطر جمله غير مفيده

^
^
^


يعني كأنه يقول .. أنت تضرب يدي ، واللي تعورت يدك




،

محاورة خاويه من المعنى وروح الشعر واشبه بسوالف اخر الليل



ماشاء الله عليك يا رشيد الزلامي !!!!


ياغالي هدي من اندفاعك شوي


على العموم اشكرلك مرورك ونورت الصفحه

ضربت يمنايه لما اوجعت يمناك=لكن انا بقول فرصه سعيده


هذا الشطر جمله غير مفيده



عجبا لامرك يا الجوراسي!!!

في ردك الاول تقول محاوره خاليه من الشعر وروح المعنى وسوالف اخر ليل

واكبر دليل ان المحاوره عجبتك وشدتك هو ردك الثاني في نفس الموضوع


اما ايضاح الشطر فاعتقد ايضاح اخونا ابن طامي واااضح


ومصيبه ان كنت ماقدرت تفهم شطر واحد فكيف تقيم محاوره كااامله

هههههه


اشكرك على تواجدك ياعسل

^
^
^


يعني كأنه يقول .. أنت تضرب يدي ، واللي تعورت يدك




،




حياك ربي يا ابن طامي واسعدني مرورك وايضاحك