14-Jul-2011, 05:28 PM
(وصـف القـهـوه)
الله من قلب(ن) همومه تحداه=بيته لبعض اهموم الايام مدهال
فالدنى عروق القلب وتسير لقصاه=من كثر دورات الليالي والاهوال
من كثر ماجربت قمت أعرف دواه=سوق القدم والنفس في وادي(ن)سال
وناديت بأسم اللي على الطيب ممشاه=نسل الجدود الشوخ ماضين الا فعال
يانايف الشغموم ياطيب الجاه=هات الحطب ياخوي بالحال بالحال
أحفر لنارك متر حذرى تعداه=وارم الحطب في وسطها دق واجلال
وحضر معاميلك قبل تاكل اتلاه=وزدها حطب ثم خلها تشعل اشعال
وهات البريق وشربه يالوفي ماه=دله وربع الوزن مع ظبط مكيال
ثم جيب محماس(ن)على النار تصلاه=قبل تجيب البن من غير تعجال
ان كان بري لازم الكف تملاه=بالوصف حباته صغيرات الاشكال
وأخوك في حمسة يوصيك بوصاه=اليا حمست البن ياطيب الفال
خلك على هونك عن النار تدراه=وأخذ الكلام المعتبر مثل ماقال
اول بداياته مثل تايه(ن) تاه=وسط البحر لامن صفق جال في جال
والثانيه ممشى الحوير بمفلاه=لا ضيع أمه راح بقفاي وأقبال
وان شفت لونه بالشقاره تغشاه=وقام العرق من حبته يهمل أهمال
حطه يمين وهات هيل(ن)شريناه=ندفع عليه المال لو غالي المال
دقه بنجر(ن)يجذب الجار بعواه=لاناشه المهوى رهج يعول أعوال
ثم بهره فاللي على النار مركاه=ثم دق بنك زين ياشبل الاشبال
ثم لقمه فالغوري اللي تركناه=يغلي من اليومه على صالي الصال
وليا قطع زله ترى الجمر سواه=في دلة الرسلان من خيرة ادلال
واسحب جمر (في طارف الجمر وأدناه)=ثم أركها ياطيب العم والخال
وهات القدوع من المقاديع محلاه=وليا ستوت قم صب يالقرم فنجال
ودي جزيل الشعر ينساق معناه=ويبقى مخلد في ذهن كل الاجيال
شاعر من الشعار ماطاح مبناه=أسبح بحر وأنحت صخر وأضرب أمثال
أظن هم القلب لو يوم ينساه=في خايع(ن) ماينزله كود وبال
يازين سوق(ن)للمجاهيم زيناه=في مقدم الموسم لياهل همال
كسب(ن)لبو جدي بسيفه وشلفاه=قدم معزي يحكم الناس بعدال
في حاجره مادوجت جرت الشاه=ولا تاصله لو تمشي أيام والليال
صوت ام سالم به تلالي ملا لاه=تلعب على غصن الجريده ليا مال
نبته خزاما شابكه مالها أشباه=اليا تقفى خيال خيلها خيال
بامر ولي الكون علام ما أخفاه=الخالق اللي يرحم الارض والحال
وجلسة رجال الطيب من كل مجهاه=اللي ولدهم فالمواجيب رجال
كلامهم مثل الذهب سوقه أغلاه=ولافيهم اللي ينقل القيل والقال
ولا الردي كسبه رديين شرواه=والمال مايرفع هوامير الانذال
وختامها صلوا عدد قول يالله=على النبي الهاشمي خير مرسال
وسلامتكم
الشاعر/ضاوي عبدالله العتيبي
الله من قلب(ن) همومه تحداه=بيته لبعض اهموم الايام مدهال
فالدنى عروق القلب وتسير لقصاه=من كثر دورات الليالي والاهوال
من كثر ماجربت قمت أعرف دواه=سوق القدم والنفس في وادي(ن)سال
وناديت بأسم اللي على الطيب ممشاه=نسل الجدود الشوخ ماضين الا فعال
يانايف الشغموم ياطيب الجاه=هات الحطب ياخوي بالحال بالحال
أحفر لنارك متر حذرى تعداه=وارم الحطب في وسطها دق واجلال
وحضر معاميلك قبل تاكل اتلاه=وزدها حطب ثم خلها تشعل اشعال
وهات البريق وشربه يالوفي ماه=دله وربع الوزن مع ظبط مكيال
ثم جيب محماس(ن)على النار تصلاه=قبل تجيب البن من غير تعجال
ان كان بري لازم الكف تملاه=بالوصف حباته صغيرات الاشكال
وأخوك في حمسة يوصيك بوصاه=اليا حمست البن ياطيب الفال
خلك على هونك عن النار تدراه=وأخذ الكلام المعتبر مثل ماقال
اول بداياته مثل تايه(ن) تاه=وسط البحر لامن صفق جال في جال
والثانيه ممشى الحوير بمفلاه=لا ضيع أمه راح بقفاي وأقبال
وان شفت لونه بالشقاره تغشاه=وقام العرق من حبته يهمل أهمال
حطه يمين وهات هيل(ن)شريناه=ندفع عليه المال لو غالي المال
دقه بنجر(ن)يجذب الجار بعواه=لاناشه المهوى رهج يعول أعوال
ثم بهره فاللي على النار مركاه=ثم دق بنك زين ياشبل الاشبال
ثم لقمه فالغوري اللي تركناه=يغلي من اليومه على صالي الصال
وليا قطع زله ترى الجمر سواه=في دلة الرسلان من خيرة ادلال
واسحب جمر (في طارف الجمر وأدناه)=ثم أركها ياطيب العم والخال
وهات القدوع من المقاديع محلاه=وليا ستوت قم صب يالقرم فنجال
ودي جزيل الشعر ينساق معناه=ويبقى مخلد في ذهن كل الاجيال
شاعر من الشعار ماطاح مبناه=أسبح بحر وأنحت صخر وأضرب أمثال
أظن هم القلب لو يوم ينساه=في خايع(ن) ماينزله كود وبال
يازين سوق(ن)للمجاهيم زيناه=في مقدم الموسم لياهل همال
كسب(ن)لبو جدي بسيفه وشلفاه=قدم معزي يحكم الناس بعدال
في حاجره مادوجت جرت الشاه=ولا تاصله لو تمشي أيام والليال
صوت ام سالم به تلالي ملا لاه=تلعب على غصن الجريده ليا مال
نبته خزاما شابكه مالها أشباه=اليا تقفى خيال خيلها خيال
بامر ولي الكون علام ما أخفاه=الخالق اللي يرحم الارض والحال
وجلسة رجال الطيب من كل مجهاه=اللي ولدهم فالمواجيب رجال
كلامهم مثل الذهب سوقه أغلاه=ولافيهم اللي ينقل القيل والقال
ولا الردي كسبه رديين شرواه=والمال مايرفع هوامير الانذال
وختامها صلوا عدد قول يالله=على النبي الهاشمي خير مرسال
وسلامتكم
الشاعر/ضاوي عبدالله العتيبي
