رحلة شقى

السلام عليكم ورحمة الله وبركاته


ابيات بسيطه ارجو لها التمرير والقبوُل " وليدة اللحظه "


بيني وبينك يالهنـا كســرة الساق=ويمنى الظروف القاسيه صافقتني
الليل عقبك رحلةٍ ترهــق إرهــاق=فيها السنين الماضيه رافقتــنـــي
ياصاحبي تكفى ترى خاطري ضاق=حتى الثيــاب الواسعــه ضايقتنــي
والله ماكــنــّا حبايب وعــشــــّاق =وأشواق حبك للقـى سايقــتنــي
إرفق على جرحٍ نزف فوق الأوراق=أسبابه أنت. وضيقــتي عانقتنــي
لو أدري ان الحب منتوجه إفراق =قصّيت كفٍ من شرابه سقتنـــي
بدايتـه صدفه، تبدّل بالاشواق =ونْهايته رحلة شقى صادقتنـــي
امـّا تعال وبدّل الصد بـ أعناق=والا الهـموُم إبرحلــتي رافقتـني

صح لسانك يا ضيف الله

,,

صح لسانك ياضيف الله


شاعر جزل

وننتظر جديدك


,,,,

شاعر جميل ياضيف الله
صح لسانك
واسال الله ان يبعد الهموم عنا وعنك وعن كل مسلم
تحيتي وتقديري لك

صح السااااااااااااااااااااانك وبيض الله وجهك فالك التوفيق

صح لسانك يا ضيف الله


شاعر مبدع

صح لساااااااااااااانك