الطارف يقلط الله يحيه
فارس المورقي09-Nov-2011, 02:57 PM
سلامي من هاجس ٍ يقدح قديح = ويشب ناره على قدح الشرار
ماودنا بالعلوم الي تسيح = قدام تطلع على شمس النهار
سعد الرويس العتيبي09-Nov-2011, 03:11 PM
من هاجس مايقول الا الصحيح= يامرحبا في محل اهل الوقار
خل السوالف مع النهج المليح=مالك ومال المعارك والدمار
فارس المورقي09-Nov-2011, 03:34 PM
دام البقى يامعزبنا الفصيح = الله يديم الوفا ياهل الديار
هات السوالف وقلبك مستريح = روٌح زمان البلاجيك القصار
سعد الرويس العتيبي09-Nov-2011, 03:47 PM
اللي يصيح ولا حوله مطيح=يمد يمناه مايمد اليسار
اللي بقلبه شجاعه يالصريح=يروح الشام ويجيب الحمار
عبد الكريم العازمي09-Nov-2011, 03:49 PM
فآرس هنآ هلآ بمطول الغيبه :)
و
صحة السنتكم وكل عآم وأنتم بخير :)
سعد الرويس العتيبي09-Nov-2011, 04:03 PM
فآرس هنآ هلآ بمطول الغيبه :)
و
صحة السنتكم وكل عآم وأنتم بخير :)
صـــــح بـــــدن و
فارس المورقي09-Nov-2011, 04:13 PM
مايختفي ياسعد وجهه القبيح = لو يصبغه بالبياض وبالحمار
مكاسبه كلها هرج ومديح = ومع العرب صنعته لعب القمار
فارس المورقي09-Nov-2011, 04:15 PM
فآرس هنآ هلآ بمطول الغيبه :)
و
صحة السنتكم وكل عآم وأنتم بخير :)
ياهلا وغلا بالشيخ عبدالكريم العازمي
من العايدين وكل وانتم بخير
وصح بدنك لاهنت ولا شنت
سعد الرويس العتيبي09-Nov-2011, 04:30 PM
الله يشفيه ابو قلبن جريح=لكن مابين نار وبين غار
يالمورقي موردك عودشحيح=مير ضرب الارض ويطير الغبار
فارس المورقي09-Nov-2011, 04:54 PM
عساه يصبح من البكره ذبيح = ويصير رميه مثل رمي الجمار
وسدودنا يالعتيبي ماتبيح = المورقي قالها لك بختصار
سعد الرويس العتيبي09-Nov-2011, 05:06 PM
ماهي بعيده عنه جاله فحيح=سالفه ماله ثاني خيار
لبنان خاشرك فى البير النضيح=عشرين مليار في دفن الخمار
فارس المورقي09-Nov-2011, 05:15 PM
عوٌد مثل صاحبه يضبح ضبيح = من يوم شاف الدعاوي في انحدار
ولبنان هذي عساها في قريح = وعسى يجيها مشايخ قندهار
وصح لسانك ياسعد
وبيض الله وجهك
واستأذنك بالخروج
سعد الرويس العتيبي09-Nov-2011, 05:29 PM
بابن يجي مع عج ومعه ريح=تسكيرته ياطويلين العمار
ريح النفل ماهو مثل ريح شيح=خير البلد لاهلها في كل دار
صح بدنك وبيض الله وجهك على هذا الطاروق
محمد الذيابـــي10-Nov-2011, 02:46 AM
,,
فارس المورقي
صح لسااااااااااااااانكــ
سعد الرويس
صح لساااااااااااااانكــ
طاروق مميز وجميل
,,,,,
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
