يالخراص بعد الغياب...
مرزوق حمدان العتيبي18-Jun-2005, 04:08 PM
..
.
شاعرنا المبدع الخراص
لك مدّه مابيّنت ويشهد الله انا قلقنا عليك..
واليوم شفت معرفك داخل المنتدى...
وحبيت اخذ معك هالطاروق...
الله يحييك يالخراص بعد الغياب = فالمنتدى اللي يهمّه كل شاعر نزيه
صار إلك مدّه مغيّب ياعزيز الجناب = شرواك لا غاب ننشد عنه ولاّ نجيه
ناصر بن محمد العتيبي18-Jun-2005, 04:13 PM
مرزوق
وبدايه لاشعال الفتايل
على القوه يابومحمد
فأنتظار الخراص
والليل الليل
عساكم على القوه ياشعراء
مرزوق حمدان العتيبي18-Jun-2005, 04:19 PM
...
مرحبا ايها الشاعر المبدع
ناصـر محمد..
اشرقت الصفحه بحضورك وتعطرت..
حياك.
ماجد الهذلي18-Jun-2005, 04:31 PM
يا سلام يا سلام يا مرزوق
مبدع يا أبو محمد
والخراص شاعر مبدع وأنا في صف الخراص
لأن صف أبو محمد بفلوووس ما أعطاااني شي :)
مرزوق حمدان العتيبي18-Jun-2005, 04:35 PM
...
..
مصلحجـــي ;)
مرحبا ياماجــد الغايه هي وجودك
واللي اعتبره المكسب الحقيقي فديتك.
كل الود
الخــراص18-Jun-2005, 11:51 PM
ابو منذر آ سف على التأخير
إلك البقا ياعميلٍ فوق عال الهضاب= الموقع اللي حرار الكون ترتاح فيه
سؤال من حضرتك وانا علّي الجواب= اللي شرانا لزوم آنا بعد نشتريه
ناصر بن محمد العتيبي19-Jun-2005, 12:11 AM
ابو منذر آ سف على التأخير
إلك البقا ياعميلٍ فوق عال الهضاب= الموقع اللي حرار الكون ترتاح فيه
سؤال من حضرتك وانا علّي الجواب= اللي شرانا لزوم آنا بعد نشتريه
الله اكبر يالخراص
مبدع وبدايه مافيها كلام
المحاوره هذ ي بتابعه اول بأول
على القوه يامبدعين
مرزوق حمدان العتيبي19-Jun-2005, 12:40 AM
مرحبا ومسهلا واستلم
...
انته تعرف الخطا ماهوب مثل الصواب = واللي يبي شوفتي ليه ابتعد منه ليه؟
لازم تحمّل خويّك لو يكثر عتاب = وجه الوفي تعرفه من بين كل الوجيه
ناصر بن محمد العتيبي19-Jun-2005, 12:57 AM
وجه الوفي تعرفه من بين كل الوجيه
وجه الوفي تعرفه من بين كل الوجيه
وجه الوفي تعرفه من بين كل الوجيه
وجه الوفي تعرفه من بين كل الوجيه
وجه الوفي تعرفه من بين كل الوجيه
وجه الوفي تعرفه من بين كل الوجيه
وجه الوفي تعرفه من بين كل الوجيه
الخــراص19-Jun-2005, 01:31 AM
أنا أعرف إن الأشده فوق ضهر الركاب= والرجل مادون حلقه غير مدة يديه
الحــــر يشهر سما ماهوب مثل الغراب= والرجل من عادته مايلتفت للسفيه
الخــراص19-Jun-2005, 01:34 AM
ماجد الهذلي
مرحبا بمرورك
وجودك في صفي يجعلني في قمة السعاده
ـــــــــــــــــــــــــــــــــــــــــ
ناصر بن محمد
مرورك شرف
ومتابعتك فخر
مرحبا ومسهلا
ناصر بن محمد العتيبي19-Jun-2005, 02:26 AM
والرجل من عادتـه مايلتفـت للسفيـه
والرجل من عادتـه مايلتفـت للسفيـه
والرجل من عادتـه مايلتفـت للسفيـه
والرجل من عادتـه مايلتفـت للسفيـه
والرجل من عادتـه مايلتفـت للسفيـه
والرجل من عادتـه مايلتفـت للسفيـه
والرجل من عادتـه مايلتفـت للسفيـه
والرجل من عادتـه مايلتفـت للسفيـه
ماسك صفين لحالي سرا الليل
فيصل المسعودي19-Jun-2005, 04:06 AM
المبدعين مرزوق والخراص تحياتي لكم.
مرزوق حمدان العتيبي19-Jun-2005, 07:03 AM
..
الله الله عليك يامبدع..
ابغاك بلهان ضد مواجهات الصعاب = تصمل صمول الرجال وماقفك تحتميه
يوم انت شاعر ولا يخفاك حرف الكتاب = الضلع صفق الهبايب ماتؤثر عليه
مرزوق حمدان العتيبي19-Jun-2005, 07:04 AM
....
ناصر وفيصل
كل الشكر لكما ..
نورتوا وشعللتم الصفوف
الله لايهينكم ...
المهنّــــد19-Jun-2005, 08:10 AM
ابــــو محمد وشاعرنـــا المميــــز الخراص
واصلــــــــــــــوا ابداع وقمّة الاستمتـــــاع.
مرزوق حمدان العتيبي19-Jun-2005, 02:53 PM
....
لاهنت يالمهند
وحضورك يشرف..
كل الود
الخــراص19-Jun-2005, 10:13 PM
فيصل المسعودي
ناصر بن محمد
المهند
لاهنتو على المتابعه والمرور
ـــــــــــــــــــــــــــــــــــــــــــــــــ
ابو منذر استلم
مدام جنبي زحولٍ فالقا ماتهاب= اللي قصدنا نجي يمه ولانحتريه
نسمع بصوت الذياب ولاحسبنا حساب= والنفس ماتقبل ألا كود شيٍ تبيه
مرزوق حمدان العتيبي19-Jun-2005, 11:37 PM
الله الله
استلم يا استاذي..
بعض العرب مشيته بالدرب فيها ارتياب = لو شاف له صقر من ضعف العقل يشتويه
لاترحمه غير الى منه عن الشين تاب = والغاوي الله على درب الرشاد ايهديه
نايف الحميدي19-Jun-2005, 11:44 PM
الله الله
على القوه
متابع
الخــراص20-Jun-2005, 12:20 AM
خلووووووووووووها
ماينجح اللي دخل فالجامعه بأنتساب= الا ليا صار رجالٍ وعقله نبيه
كم حاكمٍ راح حكمه في نهار أنقلاب= والداب لا تامنه وتقول نبنغتذيه
الخــراص20-Jun-2005, 12:22 AM
مرحبا
بالشاعر المميز
نايف الحميدي
مرورك شرف طال عمرك
ماجد الهذلي20-Jun-2005, 02:32 AM
يا سلااام يا سلااام
للإبداع بقية بين مرزوق والخرااص
واااصلووو
فيصل المسعودي20-Jun-2005, 03:23 AM
واااااصلواااااااا يالمبدعين تحياتي لكم.
مرزوق حمدان العتيبي20-Jun-2005, 11:19 AM
..
اللي مشى فالخطا يكثر عليه العتاب = واكبر خطأ تعتقد فالناس مالك شبيه
الغصن ماينعدل لاصار كله عياب = وش ينفعه هالكلام عليه اتحكيه
فيصل الثبيتي20-Jun-2005, 12:47 PM
الله الله ...
واصلو واصلو .. محاورة قوية ولا شك ...
السموحه يالخراص انا باقف في صف مرزوق ...
الليل يالشعار الليل
الفيصــل
الخــراص20-Jun-2005, 02:29 PM
خلووووووها
لا بانت الشمس بأمر الله يروح الضباب= والعجّ يذهب ليا جانا المطر مقتفيه
الضرس لاجاه سوس وصار فيه إلتهاب= ما عاد له طب غير القلع لا ترتجيه
الخــراص20-Jun-2005, 02:32 PM
ماجد الهذلي
فيصل المسعودي
مرحبا مرةٍ اخرى بمتابعتكم
ــــــــــــــــــــــــــــــــــــــــــــ
الفيصل
أأشرقت الصفحه بوجودك
لاهنت ياغالي
الدوسي20-Jun-2005, 03:43 PM
الشعر له اهله وربعه وناسه....................................الشعر ما ياجي هدايا ولا بوق
وانا مع الصفين ليلي وناسه.....................................انشد مع الخراص واسمع لمرزوق
"الله يعطيكم العافيه"
مرزوق حمدان العتيبي20-Jun-2005, 03:56 PM
الشمس تبدي ومنها الثلج والسمن ذاب = من يوم كلّ ٍ يحسب انّه مع الناس بيه
سجل عباره عليها يمنع الاقتراب = منشان لاشافها يذكر كلام ٍ نسيه
مرزوق حمدان العتيبي20-Jun-2005, 03:58 PM
الشعر له اهله وربعه وناسه....................................الشعر ما ياجي هدايا ولا بوق
وانا مع الصفين ليلي وناسه.....................................انشد مع الخراص واسمع لمرزوق
"الله يعطيكم العافيه"
صدق انك مبدع يالدوسي
شرفتنا ونورتنا بهالصفحه..
تحياتي
سيــف المعانـي20-Jun-2005, 04:34 PM
يااااااااااااااااااااااسلااااااااااااااااااااااااا ااام
للجميع تحيه مبدعين مرزوق :) كيف حالك الخراص :) مساءك الله بالخير
مرزوق حمدان العتيبي20-Jun-2005, 04:55 PM
...
انت في ذا ؟ :)
مسيك ثم صبحك
بكل
الخار ....
ناصر بن محمد العتيبي20-Jun-2005, 05:28 PM
الله الله
الخراص & مرزوق
مبدعين بمعنى الكلمه
واصلوا الله لايهينكم
مرزوق حمدان العتيبي20-Jun-2005, 05:42 PM
...
ناصر محمد
الابداع يكون في تواجدك..
تشرفنا ... وهلابك ...
الخــراص21-Jun-2005, 03:39 AM
ابو منذر استــــــــــلم
من يوم جات البنوك وصار فيه أكتتاب= أهتز سوق الذهب والفلس طار إلّجنيه
السعوده فكت البيبان قدم الشباب= والكل جاله لقب ماكان يمكن يجيه
الخــراص21-Jun-2005, 03:44 AM
سيف المعاني
بخير طال عمرك
مرورك زاد الصفحه أشراق
......
ناصر بن محمد
الشكر الجزيل لمتابعتك
لاهنت
الخــراص21-Jun-2005, 03:52 AM
الدوسي
أشرقت الصفحه بوجودك
وأشكرك على المداخله الرائعه
مرزوق حمدان العتيبي21-Jun-2005, 11:25 AM
..
تبغى الصراحه عجيبه بين سبع ٍ عجاب = من يوم قالوا عن الجمعان هذا بليه
قل لبو زيد الهلالي وبن غانم ذياب = درب ٍ مشيتوه يتعب بعدكم من مشيه
الخــراص21-Jun-2005, 01:42 PM
مرزوق العتيبي
الحقيقه
أستمتعت باللعب معك
وأستفدت الكثير
لاهنت ولاهان غاليك
تقبل تحياتي ,,,,وألف مليون شكر لرحابة صدرك
ماجد الهذلي21-Jun-2005, 07:04 PM
محاوره قمه في كل شي
تحااتي لفااارسي هذه المحاوره
مرزوق والخراص
تحيياتي
مرزوق حمدان العتيبي21-Jun-2005, 09:50 PM
...
الشاعر المبدع
الخـــراص الشرف لي ياعصابة راسي..
انستني واسعدتني بتسطيرك هذا الابداع..
كل الود
ولاعاد تقاطع :)
مرزوق حمدان العتيبي21-Jun-2005, 09:55 PM
...
ماجد الهذلي
شكرا لك على تواصلك
وكذلك يتكرر لك الشكر على مشاعرك.
ونقول ماعليك زود.
فيصل الثبيتي22-Jun-2005, 01:26 AM
مرزوق .. الخراص
الله يعطيكم الف عافية
وصحت لساسينكم ( جمع لسان :p )
فعلاً فعلاً اتمنى لو اني احد طرفيّ هذه المحاورة
ننتظر جديد إبداعكم ...
الفيصـــل
اللطّــام22-Jun-2005, 05:47 PM
شعراء مالكم بلاد ماشاءالله عليكم
اسجل اعجابي والمتابعه اللي بتستمر.
