من نقدكم نستفيد

انا حـزين وحـالتـي مختــلــه
من يـوم فارقنـي اعـز اصحـابي
اسهر على ذكراه ليلي كـلــه
ابـكي ودمعي سايـل وصبـابـي
والقلب صاير وسط جوفه عله
والفكر حايس والشعر قد شابي
الله يبشـرني بسـاعة نقـلــه
ويـرتـاح قلباً منحرق منـصـابـي
لاني بقربه دايـمـا في فــلـه
وقافل على الاحزان كل ابوابي
ماهو بمـن نـاس تجيـب الزلـه
ولا هو بمن ناس تجيك احزابي
وان جات للوقفات راعي صمله
وعن مايجـيني دايـمـا ادرابي
كـريـم ومتـعود يـمــد الجـزلــه
ومايحسب لمدته اي حسابي
في ذمتـي انه سـمي لفعلـه
اسمـه جميل واخوته تزهابـي
الله يـردك لي يا ابو عبـدالـلـه
هـذا تـرا مـرادي وغيـره مابي
واسمع ترا الفرقا ماهي سهله
باقي علي يومين واشق ثيابي
وان كان ماجاني خبر هالنقله
صوبك تراني جيت اشد اركابي

واسمع ترا الفرقا ماهي سهله
باقي علي يومين واشق ثيابي
--------------
صح لسانك قصيدتك مايقولها الا متمكن
واسمع ترا فرقاك ماهي سهله(افضل عشان الوزن)
والعجز مكسور
ومن الاساتذده نستفيد بس وجهه نظر متواضعه

صح لسااااااااااااااااااانك