سلام

سلام تسليمة سوات النار تاكل فالحريق

على عموم عتيبه الهيلا ومن يلفونها

اليوم سويت الطريق ولامشيت مع الطريق

وانا خلاوي والخلاوي كلمته يقرونها

اهلا هلا ياشاعر متريس له في فريـــــق
ياماجد الواكد علومك طيب مضمـــــــونها
يعجبني الماجد الى منه طحن طحن دقيق
يقـــراء على ليلى وقيس يوم جن جنونها

وينك ياماجد الله يحفظك

ترى عريق المنتخب يعرف مدربه العريق

ولالا عراقة المدرب ماتذر عيونها

وانته سعود ولادرينا انك على ضلعك تويق


وكم من ذياب باديه قبلك تحد سنونها

والله يحفظك ماشفت الرد الا متاخر اليوم الضحى

والله ما ندري عنك ياماجد بالحيــــه او حليق
انته نحيف البطن ولا اللي كبار ابطونها
يا لله عسى ماجد مايسجن باقي يمشي طليق
وبضاعته لاخشهـــا لاعـــل مايلقـــونهـــــا

منته مخير ياسعود ان راحوا العالم طقيق

وتجيب سالفة العجوز اللي تفل قرونها

اليا انسجن ماجد تضيق الارض بك وانته تضيق

ماعاد تلقى صاحبك في يسرها وشطونها

ترى المثل يقول لاتخاوي محيق ولاسحيق
مدري عنك ياماجد الواكد واظن ضنونهـــا
مدري ياماجد انت راعـــــي دلة ولابريق
وجمرتك ياصاحبي مولــع ان غليونهـــــــا

هذا مثلكم ماسمعنا فيه وسمع مايليق

الصمت حكمة مير جل من البشر ينسونها

اللي مايدري وان درى يدري يفيق ومايفيق

لكن تلقى شركة الاعلام تلفزيونها

هلا
صحت السنتكم جميع

شكر ياماجد الله يحفظك ع هذا المحاورة الطيبة ياغالي..

صح بدنك وتسلم يامطلق

الله يسلمك والشكر لك موصول يالغالي ياسعود

شكرا ياماجد الله يحفظك انت شاعر وانا التلميذ ياغالي