يالمطيري جاك مطيري{الرجــم×النـادر}
رجـم النـايـف المطيري18-Feb-2007, 11:16 PM
مساك الله بالخير طال عمرك
ودنا نتعلم منك يادكتور وناخذ من وقتك شوي اذا تكرمت
الله يمسيكم بخيره يالحضور=فالمنتدى اللي يعتبرنا من هله
يالنادر انته من نوادير الصقور=اللي ماعاشت فالديار الممحله
النا د ر19-Feb-2007, 01:07 AM
مساك الله بالخير يالغالى
والسموحه يابن العم تونى اشوف ردك
واللعب معك يشرفنى يالقرم
خلووووها
مسيت بالخيرات يالحر الجسور = يالفارس اللى واهنى من زامله
اشوف خلق الله تصد اعن الزهور = وتحب يابن العم طعم الحنظله
رجـم النـايـف المطيري19-Feb-2007, 01:36 AM
الوضع الامني مختبص في دارفور=من فوز بوش الابن جات المشكله
ايهمني رايك وابا منك المشور=نرحل عن الشعيب ولا ننزله
النا د ر19-Feb-2007, 01:55 AM
طيب طيب
بوش الابن قادر يوازن بالامور = لايلتفت بالارمله والهامله
خل الرحا اللى صوتها يطرب تدور = ياطاحن الحب المصفا كمله
رجـم النـايـف المطيري19-Feb-2007, 02:16 AM
العلم قام يضيق من ضيق الصدور=والشام 00 حمّال الأسيه : محمله
ماعاد باقي لا حبوب ولا بذور=الدود اكلها واصبحت متحلله
رجـم النـايـف المطيري19-Feb-2007, 02:43 AM
النادر الطاروق اللي اغنيه معك يعتبر راس مال يابن العم
بس الوقت تاخر وانا علي دوام يالغالي
ولازم نلعب على الطاروق هذا باكر
تحياتي لك
تصبح على خير
النا د ر19-Feb-2007, 02:44 AM
ترى الجمل دايم على الشده صبور= لا شال حمله مستحيل ينزله
اهل الرعونه مايحبون المرور = لاشافوا الشرطى عطوها فرمله
النا د ر19-Feb-2007, 02:54 AM
لاهنت يابن العم وماقصرت يالمبدع
وكان الله احيانا نكمل الطاروق غدااا
تصبح على خير
الــوآفــي19-Feb-2007, 03:10 AM
صح السنتكم شعراء كبار
طاروق جميل
وبوش الابن راح فيها ان كان قاله الله :)
مسألة وقت بس ويصير ماضي ويدورون اليهود غيره يرسلونه علينا !
النا د ر19-Feb-2007, 03:24 AM
اميييييييين ياااااارب
عساها دعوة مستجاااااااابه
وصح بدنك ياااذيبااان
وصح النوووووووم
ابو لمار19-Feb-2007, 03:30 AM
رجم النايف + النادر
ابداع منقطع النظير
وطاروق متميز
لله دركما ياثنائي مطير المدهش
وانا في صف صديقي النادر
ومتاابع معكم غدا ان شاء الله
النا د ر19-Feb-2007, 03:34 AM
مرحباااا مرحباااا مرحباااا
يالعضيد يشرفنى مرورك يابولمار
فما بالك اذا كنت بصفى يالقرم
بيض الله وجهك
اخوك النادر
مرزوق حمدان العتيبي19-Feb-2007, 05:09 PM
من فوز بوش الابن جات المشكله
من فوز بوش الابن جات المشكله
طيب طيب ...
صح لسانك يارجم النايف
.....
بوش الابن قادر يوازن بالامور
بوش الابن قادر يوازن بالامور
... ياسلام ياسلام ...
.
صح لسانك يالنادر
..
واصلوا ....
والله يعطيكم العافيه ..
..
رجـم النـايـف المطيري19-Feb-2007, 05:41 PM
ذيبان
ابو لمار
ومرزوق العتيبي
صح بدنكم والابداع والله مروركم علينا يالغالين
وتشرفنا فيكم
مودتي لكم
رجـــم النـــايــــف
الصبر جميل22-Feb-2007, 12:08 PM
الرجم النايف + النادر محاورة جميله طاروق رائع قول ثمين ( تستحق التشييد)
محبكم الصبرجميل
ولد الجنية23-Feb-2007, 03:31 AM
الله الله الله
والله العظيم قمة في الإبداع
بيض الله وجيهكم
تراني ماتابع الأخبار ذا الأيام
الله لايهينكم بغيت اعرف من تقصدون بــ : بوش الصغير 0
منهو ذا ؟؟؟؟؟؟
الله لايهينكم يالربع ،،
رجـم النـايـف المطيري23-Feb-2007, 03:53 AM
الله الله الله
والله العظيم قمة في الإبداع
بيض الله وجيهكم
تراني ماتابع الأخبار ذا الأيام
الله لايهينكم بغيت اعرف من تقصدون بــ : بوش الصغير 0
منهو ذا ؟؟؟؟؟؟
الله لايهينكم يالربع ،،
ههههههههههههههه
الموضوع غير قابل للتفسير
والامور السياسيه لابد يتعامل معاها الواحد بسريه تامه
هههههههههههههههه
تحياتي لك
رجـــم النـــايـــف
ولد الجنية23-Feb-2007, 07:12 PM
رجم النايف دام هذا ردك
أجل انتوا اكيد انكم تشعرون في شي في بالي 0
والله يستر منكم ان كانه صدق 0
ههههههههههههههههههههههههههههههههههههه
الله لايهينك ،،
رجـم النـايـف المطيري23-Feb-2007, 11:50 PM
رجم النايف دام هذا ردك
أجل انتوا اكيد انكم تشعرون في شي في بالي 0
والله يستر منكم ان كانه صدق 0
ههههههههههههههههههههههههههههههههههههه
الله لايهينك ،،
حياك الله طال عمرك
وشكرا على المرور
