سعود العصيمي-كلمة راس
ناصر المرشدي09-Apr-2009, 08:51 PM
سلام رديه على المفتاح=والقفل والمفتاح مفتاحي
ابا العصيمي والعصيمي راح= عساه يرجع بعد ماراحي
حاكم الغنامي09-Apr-2009, 08:55 PM
الله الله
مبدع ياناصر
وصح لسانكـ
وننظر ابو طايل وصح لسانه مقدمااا
بندر المرشدي09-Apr-2009, 08:56 PM
صح لسااااااانك ياناصر
في انتظار ابو طايل
ناصر المرشدي09-Apr-2009, 09:08 PM
يامرحبا ياحاكم
وش الابداع لولاك لاهنت ;)
ناصر المرشدي09-Apr-2009, 09:10 PM
صح بدنك يابو سلطان
انتضر ابو طايل وانا معك
سعود العصيمي09-Apr-2009, 09:18 PM
مرحبا ياناصر انا رحت اتصفح توني اشوف بدعتك
استلم
يامرحبا بك فوق زرق ارماح = مانته من المفتاح مرتاحي
جاك العصيمي والعشاء ماطاح = دور على خوخه وتفاحي
سعود العصيمي09-Apr-2009, 09:20 PM
بندر المرشدي09-Apr-2009, 09:29 PM
جاك العصيمي والعشاء ماطاح
دور على خوخـه وتفاحـي
صح لساااااانك يابو طايل
عندك ناصر ترا الباب الليلة مفتوح
سعود العصيمي09-Apr-2009, 09:34 PM
مرحبا ومسهلا
يابو سلطاان
صحت ابدانك
مار ناصر من يقدره
مصيبه
ههههه
ناصر المرشدي09-Apr-2009, 09:47 PM
اركد لاتقرب زندي القداح=دام القلوب نضاف وصحاحي
طاح العشاء بالخوخ والتفاح=مع جيتك طاح العشاء طاحي
سعود العصيمي09-Apr-2009, 09:57 PM
طيب طيب.
استلم
طيب عظم وصاحبك جراح = مانته بعارف طب الاجراحي.
الليله الليله تهب ارياح = الله يكافي هوج الارياحي.
ناصر المرشدي09-Apr-2009, 10:04 PM
كفك لايتعب فكها المسباح=ركز على كفي ومسباحي
لقيت لي طيرِ بدون حناح =لاهوب لاجني ولاصاحي
بدر الكريزي09-Apr-2009, 10:14 PM
الله الله
ناصر المرشدي × سعود العصيمي
صحت السنتكم ..
متاابع
سعود العصيمي09-Apr-2009, 10:18 PM
طيب طيب
سيفي بكفي لو يثور اسلاح = ماجيت ساري غير بسلاحي.
لقيت طيرك وين يالملواح = واعلمك والسر ماباحي.
سعود العصيمي09-Apr-2009, 10:20 PM
بدر الكريزي
مرحبا ومسهلا
صح بدنك
خالد المقاطي09-Apr-2009, 10:23 PM
ههههههه
الله الله
اللعب حامي والضرب من تحت الحزامي
ناصر المرشدي
سعووود العصيمي
ابداع
متابع لهذا المحراف
المتاحي
:)
سعود العصيمي09-Apr-2009, 10:26 PM
خاااالد
المقااااطي
مرحبا
ومتابعتك تهمني طالع عمرك.
ناصر المرشدي09-Apr-2009, 10:30 PM
وش لون لبسك المدير وشاح=جاء من طرفك صياح ونياحي
سدك لغيرك يالعصيمي باح=وسد الرفيق اللي معك باحي
علي الثبيتي09-Apr-2009, 10:33 PM
سيفي بكفي لو يثور اسلاح///ماجيت ساري غير بسلاحي
وش لون لبسك المدير وشاح///جاء من طرفك صياح ونياحي
الله الله
سعود صح لسانك ولسان المرشدي
ناصر المرشدي09-Apr-2009, 10:36 PM
بدر الكريزي
صح بدنك ولاهنت على المتابعه
خالد المقاطي
حياك الله شرفتنا
سعود العصيمي09-Apr-2009, 10:42 PM
هههههه
طيب طيب
راسي شجيع وللبحر سباح = هذا السبب نشمي وسباحي.
الحجة اللي بابها منلاح = من جابها فالراس منلاحي
ناصر المرشدي09-Apr-2009, 11:04 PM
انته سعود السارق المزاح=لو منك بعض الناس ما ارتاحي
من فوح قدرك قدر غيرك فاح=ماله من اهل النصح نصاحي
سعود العصيمي09-Apr-2009, 11:13 PM
سعود كبتن وانته الملاح = مايستوي كبتن وملاحي.
اثرك ياناصر حصاة ارزاح = لكن ازيح ارزاح وارتاحي
ناصر المرشدي09-Apr-2009, 11:15 PM
هههههههههههههههههههههه
الله لايهينك ياسعود انا اللي ابا ارتاح وابا السلامه
صح لسااااااااااااااااااااااااااااانك
سعود العصيمي09-Apr-2009, 11:19 PM
مرحبا ومسهلا
والله اسعدتني بهذا المحراااف ونشطتني من جد وانا كنت متكاسل.
الله لايهينك
وصح بدنك .
سعود العصيمي09-Apr-2009, 11:31 PM
ناصر المرشدي=
سلام رديه علـى المفتـاح=والقفل والمفتـاح مفتاحـي
ابا العصيمي والعصيمي راح=عساه يرجع بعـد ماراحـي
سعود العصيمي=
يامرحبا بك فوق زرق ارماح=مانته من المفتـاح مرتاحـي
جاك العصيمي والعشاء ماطاح=دور علـى خوخـه وتفاحـي
ناصر المرشدي=
اركد لاتقرب زندي القـداح=دام القلوب نضاف وصحاحي
طاح العشاء بالخوخ والتفاح=مع جيتك طاح العشاء طاحي
سعود العصيمي=
طيب عظم وصاحبك جـراح=مانته بعارف طب الاجراحي.
الليله الليله تهـب اريـاح=الله يكافي هوج الارياحـي.
ناصر المرشدي=
كفك لايتعب فكها المسباح=ركز على كفي ومسباحي
لقيت لي طيرِ بدون حناح=لاهوب لاجني ولاصاحي
سعود العصيمي=
سيفي بكفي لو يثور اسلاح=ماجيت ساري غير بسلاحي.
لقيت طيرك وين يالملواح=واعلمك والسـر ماباحـي.
ناصر المرشدي=
وش لون لبسك المدير وشاح=جاء من طرفك صياح ونياحي
سدك لغيرك يالعصيمي بـاح=وسد الرفيق اللي معك باحي
سعود العصيمي=
راسي شجيع وللبحر سباح=هذا السبب نشمي وسباحي.
الحجة اللي بابهـا منـلاح=من جابها فالراس منلاحـي
ناصر المرشدي=
انته سعود السـارق المـزاح=لو منك بعض الناس ما ارتاحي
من فوح قدرك قدر غيرك فـاح=ماله من اهل النصح نصاحـي
سعود العصيمي=
سعود كبتن وانته الملاح=مايستوي كبتن وملاحي.
اثرك ياناصر حصاة ارزاح=لكن ازيح ارزاح وارتاحي
شبل الغدرى09-Apr-2009, 11:52 PM
اسجل اعجااابي بهذه المحاورة
واقول
بيض الله وجيهكم
ياعتيبه
محااااورة قمة
فالفتل والنقض من الشاعرين
وجميع البيوت مميزة.
سلطان بن دحيم10-Apr-2009, 12:15 AM
ناصر المرشدي * سعود العصيمي
بيص الله وجيهكم مبدعين
معجب العتيبي10-Apr-2009, 12:30 AM
المشاكس ناصر
صح لسانك
ومبدع دائما
ابو طايل اليوم وابدا
مالك مثيل
من تميز الى تميز
سحيم العصيمي10-Apr-2009, 08:06 PM
لله دركم
طاروق إبداع x إبداع
صحت السنتكم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
