حياك جاي ياطائر الاشجان

سلام من عد غزير المجمي=ماغاض جمه لو تسعين قطان


ياطائر الاشجان ياولد عمي=سمعت لي فالمنتدى حس دندان

الله الله

صح لسانك

مبدع بس يخرب عليك تنسيق البيت كنك ما تبانا نقراه هههههههه

المعذره ياولد العم توني اشوف بدعتك


الله الله


يامرحبا والخير يمٌك ويمٌي = في ظل ابو متعب ونايبه سلطان
ان كانها فالمنتدي ماتهمٌي = لاسال واديها ولا هلت امزان

حياك الله ياسلطان ومبروك بشت الاماره :)

دام البقا ياعاصبين المعمي= في ظل ابو متعب سلايل كحيلان


وش رايكم فاللي شرب مايسمي= ويرفع عصاته فوق راضي وغضبان

لاخير في بندق تهف وتزمي = نصله ولو فيها ثلاثين نشيان
الي ركزها فوق متنه ويرمي = زاده على الي كان شرهه وحقران

كفو ياطاير بالفعل ماتذمي= حنا عتيبه مرجحة كل ميزان


دمه حاشا ماهو مطابق لدمي= ماضاع حق وقافي الحق ديان

والنعم ياربعي ويا كل هميٌ = الارض ودي مابها غير عتبان
والي يخص الناس لازم يعمٌي = حتى ماينقد فوقنا كل شرهان

الله الله


صحت الالسن والقلوب


متابع

به حية(ن) تنفث على الناس سمي=الحيه ام جنيب مدادة لسان


عن سمها لازم تحط المكمي= والا نداك يصير ياطاير احزان

حافظ طريقي يابيض الوجه صمٌي = والي تمٌد لسانها موتها حان
لوٌ الضواري كلها لي تلمٌي = ماغيٌرت فسمي وانا طير الاشجان
مالله كتب نلعب مباشرة :)


صح لساانك يالمكافح وتشرفت بمجراتك ياولد العم ولنا لقاءات ان شاءلله

عز الله انه يشرفني اللعب معك ياولد العم والحقيقه انا المستفيد من خبراتك اولا واخرا والله لايحرمنا منك ولا من مجاراتك يالغالي

صحت السنتكم