لك اول مدارات الغلا وأخر التحقيق

تعالي بعد ما زدتي القلب هم وضيق=على ويش ناوي ... جرح مغليك وحراقه
تحمل وشاف اللي كفاء لين يبس الريق=ولا زال في حلم الوفاء ما ثنا ساقه
وفيَ صادق احساس ان عطاء..شاعرٍ عشيق=تحمل كثير الا براسه ودنَاقه
لك اول مدارات الغلا وأخر التحقيق=ولا له جمل في سوق غيرك ولا ناقه
يحب الصحيح ويكره الزور والتلفيق=ولو ضاعة الاحلام ما ضاعة اخلاقه
الى مر ذكرك بعد غيبه عليه يفيق=يطيب ان تهيل ذكر مغليه وأشواقه
ابكتب وعندي فوق ما ياصف التشويق=يا تحفه عطاها الرب من نور براقه
يا اجمل غلا مر الخفوق وعليَه سيق=يا كنزِ يكفيني عن الفقر والفاقه
يادرة بحر.. يافاتنة قلب صعب يطيق=يا مجرم خفوقِ معتقل يصعب اطلاقه
عليك الله اقبل عاشقك لا تزيده ضيق=بعد ما عطاك الود لا تزيد بحراقه

صالح سالم



شاعر نتشرف بمتابعته وانتظار جديده


صح لسانك وفكرك


لك اول مدارات الغلا وأخر التحقيق
ولا له جمل في سوق غيرك ولا ناقه

عليك الله اقبل عاشقك لا تزيده ضيق
بعد ما عطاك الود لا تزيد بحراقه


صح لسانك يا صالح

قصيده طيبه

فيها الكثير من الجمال

ننتظر جديدك

احترامي

الله الله

صح لسانك مدد بلاحد ولا عدد ..

حياك الله ياصالح ..

ونطمع بالمزيد من القصيد ..

.....