غزلية تهيض للشاعر الرائع خالد المورقي

ياحسين خايلت نو لاحت بروقه=والشوق ياحسين سراني وسريته
ذكرتلي مع شريف البيت غرنوقه=والقلب في حبها ياحسين شاعيته
هيفا تهنفل شناح الطول ممشوقه=تمشي والارداف نص الثوب ثانيته
ياشبه وضحا رعت مع مقدم الروقه=نجد العذيه وجو الشيخ راعيته
واتل قلبي متل الطير لسبوقه=على عشير ٍ بسلم الحب هاويته
احفيت الاقدام من حبه ومن شوقه=لين الخلا والفت رجلي سباريته
لومي على الظلع لاارسلت النظر فوقه=وابديت له خافيٍ للناس ما ابديته
ذكرى غرامٍ تلح القلب وتسوقه=على زمان سنين العمر ماحيته
هذاك يوم الغلا ماجف زملوقه=يومن الايام صرح الحب بانيته
واليوم نبت الموده ماتت عروقه=عان السمايم بتال الوقت شاويته
والحلم مقتول والغايات مسروقه=ما باقيٍ غير قافٍ فيه غنيته

صح لسان شاعرها

وبيض الله وجه ناقلها

حـــاتــــم مشكووووووووووووور

على القصيدة الراااااااائعهــــــ