راكب اللي فالمواتر كاملات اوصافه

راكب أللي فالمواتر كاملات اوصافه==ورده عبداللطيف وشركته راعيها
دق سلفه عقب جوف البايكه ميقافه==وجهه للطرقه اللي من قبل ناويها
يوم حرك كن حذفه للحجار اخلافه==من قذائف مدفعآ فوق العداء يرميها

كل مركز لو يمره في طريقه طافه==جيب فكسارآ بعيدات الدير يطويها

من الرياض مروحآ عقب العصر وطرافه==والمساء فالديره أللي من سنين اغليها

المساء ملفاك رجالآ بعيد اهدافه==يوم بعض الناس نظرتها تحت رجليها
شاعرآ يطربك قانونه ويطرب قافه==شاعرآ يصخر بيوت الشعرويغنيها

شاعرآ ماشاب طاروقه ولامحرافه==علي ابو هادي علوم المرجله حاويها

ياعلي هذا الزمن صاير كثير أجحافه==الطبايع غيرة محدآ يبرق فيها

ياعلي وقتآ تغير سيرته وعرافه==حاضر الدنياء تغير عن سنع ماضيها
السبب فالوقت وألا العالم الزوافه==يامجرب فأول الدنياء وفي تاليها
كل واحد حد سيفه وانقله بغلافه==يحسبنه يذبح العربان ويذكيها
كل واحد نفذ اكمامه وجاب احلافه==صارجهال العرب يقدم على صاحيها
بالنفاق يسير بين المجتمع وشرافه==وده ايشب الفتن فالناس مايطفيها
لوعطيته من عسل صافي مصفى عافه==واتهمك أب تهمة بين العرب يرويها
مجتمعنآياعلي هذا وكل اطيافه==ادخلت فيه المشاكل كيف ماننهيها

ياعلـي وقتـآ تغيـر سيرتـه وعرافـه
=حاضر الدنياء تغير عن سنع ماضيهـا


رشيد الذيابي




لله درك على هالرائعة


تستحق القراءه اكثر من مره



صح لسانك وبيض الله وجهك

لك تقدير واحترامي اللة لايهينك

كل واحـد حـد سيفـه وانقلـه بغلافـه
يحسبنـه يذبـح العربـان ويذكيـهـا


الله الله

صح أللسااااانك يارشيد


مرسولك وافي وأنت وافي كتبة فأبدعة


سجل إعجابي - تحياااتي

طلال مساك ورد واشكرك على مشاعرك الطيبه

الله الله

صح لسانكـــ


والجزاله لها رائحه في قصيدتكــــ

لاهنت

ولد غنام لك تقديري واحترامي

بالنفاق يسيـر بيـن المجتمـع وشرافـه
وده ايشـب الفتـن فالنـاس مايطفيهـا



شاعر جزل يارشيد صح لسانك





تحياتي

تحياتي لكم

لله درك يابو ثامر شاعر متميز في النظم والمحاوره جزل بكل ماتعنيه الكلمه

صح الله لسانك يارشيد

صح لسانك وبيض الله وجهك