يزورني طيفك

مصافحة لقنوف الشعر وروّاده ..!!

/

WIDTH=425 HEIGHT=344



يزورني طيفك مع الليل ساري = واشم طيبك والمحك طيف وأحلام
اصيح بسمك واحسبك لي مباري = اسمع صدى صوتك وآخايلك قدام
تغرني دايم طيوف الغداري = افز واعي واكتشف كله أوهام
من فرحتي ناديت بسمك اجهاري = فضحت نفسي والمخاليق نيّام
أسهر على شانك ولانته بداري = أرقد دقيقه وأكثر الليل ما نام
يطري على طاريك مليون طاري = شاعرك من زود التباريح منضام
أفراح عمري مثل شمس العصاري = ياسرع ماتغرب وتاتيك بعسام
صبري قضى من لوعتي وانتظاري = تكفى ترى حالى غدى جلد وعظام
قربك هناي وغيبتك إنتحاري = أرجوك لاتبعد ترى بعدك إعدام
شوفك سحايب ترتوي به دياري = وش عاد لو شوفك من العام للعام
شوفك مثل شمسٍ عشقها نهاري = تشرق على كل الكواكب والأجرام
حبك نهر وسط الشرايين جاري = حبك سحر عيّشني في غي وهيام
تفرك يميني يوم أشوفك يساري = وآعض لامنك تثنيت الإبهام
ياللي شعرك الليل فيه المساري = من شاهدك لو يسهر الليل مايلام
مثلك أبد ماشفت يابو خزاري = ياناقض المرجود يالابس زمام
انته غرامي غايتي وإختياري = يشهد على ماقول حبري والأقلام
مهما تغيب وتبتعد عن مساري = تبقى مواثيق الغلا طول الأيام



اضغط هنا .... للحفظ (http://www.naif9122.com/zip/yzorni.zip)

دُمتم بود

نايف

صح لسااااااااااانك

واعتلا شانك00000

صح لسااااااااااانك أبيات أكثر من رائعه

نايف
انت مبدع
صح لسانك واعتلا شانك
تقبل مروري

صح لسانك


وأبيض وجه



شاعر كبير