10-May-2010, 09:51 PM
بعد التحيه
قصيدةٌ تشرفتُ بإلقائها يوم الخميس 6/5/2010 م
في الكويت بمناسبة زواج الأخ العزيز / علي بن راشد بن بيان الكرشمي
في صالة الرقه وكان بمرافقتي والدي أطال الله في عمره
وعسى أن تنال إستحسان الجميع
يابوي حفل الكرشمي عقب يومين = وأبو بيان اللي بنفسه دعاني
ماينفع المعذار والقاسي إليَن = وأنته على جزل العلوم أتحداني
أنا مظرا والنشاما مظرين = والطيب ورثة جد والعمر فاني
مايترك الماجوب غير الرديَين = دغم الخشوم أمهطلين الأذاني
هراجة المجلس هل المذهب الشين = ولا اللزوم ألها طوال اليماني
يامحزمي يومن ورع الظعيفيَن = يبلش ليا قالوا فلان الفلاني
أبوه دقسه والغليم على الدين = والوقت مايرحم أوليد الهداني
الله ولا حظه ولا فاله الشين = ما ورثوه ألا الردى والهواني
ألقابك التقدير من حين لاحين = عند الرجال معربين المجاني
لاجيت ثم قالولي أنته ولد مين = أسمك ينومسني ليا جيت عاني
وقدايمك تطلق أوجيه العجالين = أمن الكويت أليا علو المحاني
كريم واللي عازمينك كريمين = وأنا علي القاف ذرب المعاني
أنا ليا مني حضرت الميادين = عشري لك الله ماتعود ثماني
جهزلي اللي شارته تقضي الدين = لاسال دم وعلقوا فيه عاني
وعبه من البنزين خمسه وتسعين = وأركب يابومتعب وخلك أوزاني
ثم حط في مخباك قيمة قعودين = يستاهلون أهل المقام العواني
الله يطول عمرك أيام وسنين = حتى يجيلي بين ربعي مكاني
وكفيك في الازم لونه ورى الصين = أشيل ماشال البعير العماني
مال الحمول ألا ظهور البعارين = اللي تداحم بالجنوب المتاني
أنته وأنا في الدرب جينا متخاوين = كله غلا وتقدير لبو بياني
جار ونسيب ومن رجالٍ عزيزين = ألاد كرشم في القسا واللياني
الكرشمي راشد زبون المجلين = اللي يقلط للنشاما الصواني
يجيك بالحاشي لونه ورى ألفين = قد قالها محمد حراز وشعاني
مبروك يانسل الرجال المسمين = اللي لهم في الطيب وقفه وشاني
للطيب وأهله في زمنا عناوين = وأهلك هلله من قديم الزماني
قومٍ ليارد البرى للمثارين = تنطح أنحور الخيل بالجبخاني
كم من عقيدٍ عرمشته السراحين = أليا ألتوتبه لابتك في ثواني
يطيح في الرقه ماثور براكين = وأن عاش جرحه في الظلوع المحاني
وأنا لك الله ياعلي حالفٍ دين = لجي وباركلك وزف التهاني
غالي وربعك عند الأجواد غالين = واللي على قلبي يقوله الساني
حنا ( ذوي عالي ) أصعوط المجانين = غصباً على العربان قاصي وداني
قصيدةٌ تشرفتُ بإلقائها يوم الخميس 6/5/2010 م
في الكويت بمناسبة زواج الأخ العزيز / علي بن راشد بن بيان الكرشمي
في صالة الرقه وكان بمرافقتي والدي أطال الله في عمره
وعسى أن تنال إستحسان الجميع
يابوي حفل الكرشمي عقب يومين = وأبو بيان اللي بنفسه دعاني
ماينفع المعذار والقاسي إليَن = وأنته على جزل العلوم أتحداني
أنا مظرا والنشاما مظرين = والطيب ورثة جد والعمر فاني
مايترك الماجوب غير الرديَين = دغم الخشوم أمهطلين الأذاني
هراجة المجلس هل المذهب الشين = ولا اللزوم ألها طوال اليماني
يامحزمي يومن ورع الظعيفيَن = يبلش ليا قالوا فلان الفلاني
أبوه دقسه والغليم على الدين = والوقت مايرحم أوليد الهداني
الله ولا حظه ولا فاله الشين = ما ورثوه ألا الردى والهواني
ألقابك التقدير من حين لاحين = عند الرجال معربين المجاني
لاجيت ثم قالولي أنته ولد مين = أسمك ينومسني ليا جيت عاني
وقدايمك تطلق أوجيه العجالين = أمن الكويت أليا علو المحاني
كريم واللي عازمينك كريمين = وأنا علي القاف ذرب المعاني
أنا ليا مني حضرت الميادين = عشري لك الله ماتعود ثماني
جهزلي اللي شارته تقضي الدين = لاسال دم وعلقوا فيه عاني
وعبه من البنزين خمسه وتسعين = وأركب يابومتعب وخلك أوزاني
ثم حط في مخباك قيمة قعودين = يستاهلون أهل المقام العواني
الله يطول عمرك أيام وسنين = حتى يجيلي بين ربعي مكاني
وكفيك في الازم لونه ورى الصين = أشيل ماشال البعير العماني
مال الحمول ألا ظهور البعارين = اللي تداحم بالجنوب المتاني
أنته وأنا في الدرب جينا متخاوين = كله غلا وتقدير لبو بياني
جار ونسيب ومن رجالٍ عزيزين = ألاد كرشم في القسا واللياني
الكرشمي راشد زبون المجلين = اللي يقلط للنشاما الصواني
يجيك بالحاشي لونه ورى ألفين = قد قالها محمد حراز وشعاني
مبروك يانسل الرجال المسمين = اللي لهم في الطيب وقفه وشاني
للطيب وأهله في زمنا عناوين = وأهلك هلله من قديم الزماني
قومٍ ليارد البرى للمثارين = تنطح أنحور الخيل بالجبخاني
كم من عقيدٍ عرمشته السراحين = أليا ألتوتبه لابتك في ثواني
يطيح في الرقه ماثور براكين = وأن عاش جرحه في الظلوع المحاني
وأنا لك الله ياعلي حالفٍ دين = لجي وباركلك وزف التهاني
غالي وربعك عند الأجواد غالين = واللي على قلبي يقوله الساني
حنا ( ذوي عالي ) أصعوط المجانين = غصباً على العربان قاصي وداني
