حبيب العازمي وصقر سليم

حبيب العازمي


يا سلام الله على اصحابنا والقوم قوم
سارحه لابدها ضاويه لابدها
وانت يا صقر البقيلي لا طرت ولا تحوم
كل ضلعه تسبر اهل القرا مع سدها


صقر سليم


مرحبا وابشر بنا فالدفاع وفالهجوم
نعم بالعتبان والله خلقنا ضدها
والله اني ما احسب انك يا بن عاصي ظلوم
وانت دونك منطقه ما تعدا حدها



حبيب



تحسب انا كلنا كثر سكان الجموم
لا تحارب الك عرب وانت ما انت بقدها
والله اني ما اظلمك يا معدي فالرجوم
مار مالك حيلة ٍ فالرجوم تهدها


صقر


لو كثر الصين قدامكم فرك الخشوم
كل ما ننوي عرب ما حسبنا عدها
الوعد قدام من طاح جعله ما يقوم
المطيه بين ٍ وسمنا في خدها




حبيب



المواقف غاليه سوم والا لا تسوم
روحت يا صقر وانته متى ترتدها
خل لين تولع النار واقلط ومعزوم
لووسمتوها تعود تعشا بدها



صقر



الفعايل ثابته ما علي من العلوم
لو تكبر شوشتك فيه مشط يكدها
انتبه للمقبله والعوافي ما تدوم
العرب ما ينعرف مزحها من جدها




حبيب




انكسر من مشطك سنون والبين ثلوم
والقديمي في يدك ما قدرت تحدها
ماتت ام الغيث ما جابت مع التوم توم
وانت ما عزيت ابوها تعزي جدها




صقر



ليه يوم انحدها حدها ماله لزوم
الرساله في بريد الرسايل ودها
انت تبغى ختم والا تبى عشرة ختوم
كان تقدر في جبال الجزيره شدها



حبيب



صح ليش تحدها وانت ما عندك عزوم
كان تبغى العافيه في خباها ردها
رقمكم بعد اربعه كم يصير من الرقوم
ودكم بالاخره والعرب ما ودها

بيض الله وجهك يا المثالي




مشكووووووووووووووور

صح لسانك واعتلى شانك اخوي المثالي على النقل المميز لعيون محاورات شعراء الجزيرة العربية

لاهنتوا على المرور