تعال يا مطني ونعطيك الوسام
ابراهيم الجـــــذع05-Sep-2010, 04:50 AM
السلام عليكم ورحمة الله وبركاته
[صورة غير متوفرة] (http://www.mlfnt.com/)
تعال اقرب هنيا يا مطني=وصلك العلم رد العلم عني
وراع العند ما هو بمتهني=على شاط البحر مرسى السفينه
تعال يا مطني ونعطيك الوسام=يا الصاحب اللي تستحق الأوسمه
اكرب حزامك كان في وسطك حزام=الشاعر اللي ما تراخا محزمه
مطني الحافي05-Sep-2010, 05:11 AM
والله اني في المسجد يوم انك بدعت
مطني يوم تزهم في صلاته=عسى ربي يزيد من حسناته
ولكن هات باق العلم هاته=على شط البحر ترس السفينه
الاوسمه وشلون تعطى في كلام=بالله هاذي ماتسمى مضلمه؟
حرام ربط المحزم وحنا صيام=مار الوعد لين الصيام انتممه
ابراهيم الجـــــذع05-Sep-2010, 05:23 AM
اظن إن الجمل تسمع ضريسه=وشفت الحر فعله فالفريسه
بعد ما حاسها راحت حويسه=علـى شـاط البحـر مرسـى السفينـه
اللي وصلكم يا ولد حسب النظام=والضيف كلٍ بالكرامه يكرمه
أنتم تعرفون الحلال من الحرام=مير الحلال اليوم كيف تحرمه
برررق الحيا05-Sep-2010, 05:27 AM
الابداع يتكرر هذه الليلة ولكن في متصفح آخر يبدع مواله وطاروقه ابراهيم الجذع طالبا مطني الروقي
صح السان ابراهيم الجذع المعزب وصح السان الضيف مطني
متابعين ومنظمين للصفوف والشوق يحدونا إلى الابداع
ولاهنتو
ابراهيم الجـــــذع05-Sep-2010, 05:29 AM
هلا وغلا أخوي برق الحيا
دايم تنور المتصفح بتواجدك يا الغالي
صح بدك والصفوف تزهابك يا الذيب
مطني الحافي05-Sep-2010, 05:37 AM
تقول الصدق وتعد الحقيقه=انا شفت المطافي والحريقه
ولااحسن من طريقتنا طريقه= على شط البحر ترس السفيه
بعد التحيه ياعتيبه والسلام= هاذا الجذع ياجعلنا مانعدمه
اسمع كلامي يالكريم ابن الكرام=لاتجرم الا فالعباد المجرمه
مطني الحافي05-Sep-2010, 05:40 AM
ابراهيم الجـــــذع05-Sep-2010, 05:50 AM
تشوف الأرض رايحةٍ قزازه=من أخيالاً جمع نتره وفازه
ولو بعض البشر مثل الجنازه=علـى شـاط البحـر مرسـى السفينـه
طاح المطر يا صاحبي طار العسام=ومحمد محمد ما هوب مسيلمه
مال الزحام الا رياجيل الزحام=من لا رحمه الله محدٍ يرحمه
مطني الحافي05-Sep-2010, 06:09 AM
عساها لامطرت تمطر علينا=انا وانته وباق المسلمينا
ولاتمطر بدار ابن اللذينا=على شط البحر ترس السفينه
طاح المطر ياصاحبي ولا كلام=كم واحدن من العطش يابس فمه
الطق يثر فالحديد وفاللحام=افهم كلامي يالعتيبي والزمه
مطني الحافي05-Sep-2010, 06:16 AM
ابراهيم الجذع
وش حيلتنا في السحور؟
صح لسانك يامبدع
والله لايهينك
ابراهيم الجـــــذع05-Sep-2010, 06:23 AM
ليا صليت يا مطني فريضه=يزيد الخير والدنيا عريضه
نداوى القلب والعين المريضه=علـى شـاط البحـر مرسـى السفينـه
ترا الجمل لو كان ما فوقه سنام=اليا هدر ترخي لهاته برطمه
اللي عطاك الرمح واعطاك الحسام=يبصم بهامه عقب وقع بقلمه
برررق الحيا05-Sep-2010, 06:44 AM
ترا الجمل لو كـان مـا فوقـه سنـام
اليـا هــدر تـرخـي لهـاتـه برطـمـه
اللي عطاك الرمح واعطاك الحسام
يبصـم بهامـه عـقـب وقــع بقلـمـه
صح السانك يابراهيم وصح السان مطني شعار ولافيها كلام
اباع وجزالة وامتاع
وتقبلو متابعتي وحضوري
شاعر الثغر العذب05-Sep-2010, 07:19 AM
صح السنتكم
طاروق كطايف وشعراء مبدعين
سلام
ابراهيم الجـــــذع05-Sep-2010, 07:35 AM
ابراهيم الجذع
وش حيلتنا في السحور؟
صح لسانك يامبدع
والله لايهينك
صح بدنك أخوي مطني
لا هنت يا الغالي
مخاوي الطير05-Sep-2010, 08:18 PM
الله الله
الليله جوائز اوسمه
والله معاد نشوف أهل الاوسمه الظاهر انهم معتكفين بالمساجد ..
ابراهيم الجذع / مطني الروقي
صحت الالسن والقلوب
متابع
//
ابراهيم الجـــــذع06-Sep-2010, 01:04 AM
هلا وغلا شاعر الثغر العذب
صح بدنك يا الغالي
اشكرك على الإطراء والتواصل
ابراهيم الجـــــذع06-Sep-2010, 01:17 AM
صح بدنك يا مخاوي الطير
شرفنا مرورك يا الغالي
ابو البيرق07-Sep-2010, 10:13 PM
صح السانك يا ابراهيم وصح السان مطني
وشعراء مبدعين
علاي الحافي08-Sep-2010, 12:27 AM
صح السانك يا ابراهيم وصح السان مطني
والله يرزكم في هل اليوم بالاوسمه يالثنين
تستاهلون
تقبلوووو مروري
ابو شوق الازوري08-Sep-2010, 12:51 AM
صح السانك يا ابراهيم وصح السان مطني
وشعراء مبدعين
تقبل مروري ابو شوق الازوري
