مرثيه (فضلاً أدخل واعط رأيك )

الله من همٍ بالأضلاع لاجي = عجزت عند الطب لا ألقاله علاج
علمٍ بسبعه وعشرين غير مزاجي = بآخر ربيع وحط فالكبد فلاج
جاني الخبر عن (صالح الصالح) وهاجي = حزنٍ بجوفي وأزرق الدمع ثجاج
قالوا (توفى) وكان موته مفاجي = أقدار والأقدار ماهيب تنعاج
الموت لو انك على برج عاجي = حق ووصل ما ردده دونك احراج
ويا الله يالي لك العبد راجي = يا جاعلٍ للضيقات يا ربي افراج
رحماك رحما في طليق الحجاجي = تجعل على قبره نواوير واسراج
اسراج نورٍ في عتيم الملاجي = وتجعل له لجنتك يارب منهاج
هذاك ابو(ضاري) وغيري يناجي = بشهادةٍ تشهد بها فيه الأفواج
زميل أعرفه يوم عصر العواجي = شموخ كنه مثل ابانات وسواج
له مجلس بالطيب دايم يعاجي = وله حكرةٍ تملا متاريس ونعاج

علمٍ بسبعـه وعشريـن غيـر مزاجـي
بآخـر ربيـع وحـط فالكبـد فــلاج ..

صحححححححح لساانك ..

روعه .. والبيت اعلاه كأنه يحتاج لمراجعه من ناحية الوزن ؟؟

احساس رائع ..

غفر الله له واسكنه فسيح جناته ..

=======

تركي

رائعة والله يرحمة وجميع اموات المسلمين

ومشاركة جزلة

وازيد على اخوي اسعدي
بهذا الشطرالذي محتاج وزن

جاني الخبر عن (صالح الصالح) وهاجي


وشكرا لسعة صدرك

وتقبل تحياااتي

تشكر على شعورك وصح السانك

لاكن القصيده تحتاج الى وزن

تحياتي

...

الله يرحمه .. واموات المسلمين ..

صح لسانك ولا اضافه على كلام الاخوان ..
كل الود