ماجيت ابمزح جيت بالسيف الشطير::::::: الطارف

الاولة مبروك للهيلا على الفوز الكبير=عتيبة اللي فالمواقف ماتطيح اعلامها !!!
والثانية ماجيت ابمزح جيت بالسيف الشطير=اللي يحك الروس حتى تستوي بقدامها !!!

الله الله

صح لسانك يابن سعود مبدا كايف

وصح لسان قبيلك مقدماا

متابعين

صح بدنك يالشهيب

ياسلام ياسلام


صح السانك واعتلى شانك يابن العم


تحيتي

تركي الصفياني صح بدنك ولاهنت

من طيبنا يابو سعود انصير اللي ما يصير = كل المراجل في يدينا لازمين أخطامها

والثانيه في سيفك اللي جيتبه مالك خشير = مال القلوب الراقده فالليل غير احلامها

ارحب ارحب ياطلال الساعة المباركة


حنّا ترانا يالعتيبي مايروعنا الصفير= نسطي بساحات الوغا .. ومحطمين ارقامها !!!
ياللي تعرضت الخطر تمشي على رمضا الهجير=ليتك تناوشت العوافي تحتزم بحزامها !!!

البقا يا عبد الرزاق والله يبارك فيكـ



مال الحمول اللي على ظهر البعير ألا البعير = الله يعز الدوله اللي في ذرى حكامها

الريشه اللي كل ما هب الهوى فيها تطير = تبا تطيرها الهبوب اللي تهب انسامها

صحة السنتكم شعراء مبدعين

واصلوااا( متابعـ)

صح بدنكـ يا خليل

متابعتكـ تشرف

انا على بعض العلوم يقودني سلك الحرير= وام الكباير ماتخلي خبثها واجرامها !!!

الحبة اللي حولت تحت الرحا اللي يستدير= مصيرها معروف حتى لوتطول ايامها !!!

هههههه




قرب لي الدله و هات الما معاك امن الغدير = حتى تزين الطبخه اللي عارفين ايدامها

يابو سعود ان كان ما سدك من القوم النذير = اجموعك اللي محتسيها مذبحك / قدامها

ياسلام ...!



صحت الالسن والقلووب
ومبرووك للهيلا وللمشاركين الفايزين ."

عبدالرزاق

صح الساااااانك

واحلا ختام عندك استاذنك

تصبح ع خير

الكافرة عيّت تطيع الامر فالوقت الاخير=ماباقي الاّ القنبلة حتى تذيع اسلامها !!!
انته تقولة وانت مالك لامطير ولا منير=وشلون تشتال الجبال اللي كبار حجامها !!!

صحت اللسنتكم

صح لسانك ياالنفيعي انت وبو ناشى