ينعاف غمرٍ للمراجل معيفي

الطيب لاهل الطيب ماهو كليفي = يسهل عليهم لو طروقه صعيبه

رجالهم دايم جنابه مريفي = وفي كل يوم يطيب ويزيد طيبه

والا الردي عايش بحالٍ كسيفي = الراس خاوي والهقاوي قريبه

يروح عمره بين بوقٍ وزيفي = ويموت ما حاز النعم من نصيبه

لو صاحب الاشراف ماهو شريفي = يلحقه من دنياه شكٍ وريبه

ولو قال ماله بالخلايق وصيفي = لابد ما يكشف لك الوقت عيبه

يغرك بشكله وعقله خفيفي = وكلمه تودي به وكلمه تجيبه

وينعاف غمرٍ للمراجل معيفي = وان غاب ينسى وان حضر ما دريبه

ومن الغريب انه يطيب الضعيفي = واليا تردى قيل ماهي غريبه


الشاعر خليل بن هدلان

..

ونعم فيه


وصح لساااانكـ ولساااانه..

..

ونعم فيه


وصح لساااانكـ ولساااانه..



هلا وغلا لاهنت على مرورك

صح لسااااااااااااااااانك

صح لسانه ولا هنت على الطرح

..

ونعم فيه


وصح لساااانكـ ولساااانه..