12-Nov-2005, 12:32 AM
تقبّلوها على تقصيرٍ مني
بعض المجالس
المجلس اللي فيه ترتاح الاوناس=يشتاق لك فيه الرفيق بحراره
يفزلك من مجلسه تقل قرناس= سمح الحجاج ودلته عند ناره
مجلس يباهي فيه خلاّق الاجناس=كنك ظفرت المرجله بالجداره
بعض المجالس نشتريها بالالماس=وبعض المجالس نعتبرها خساره
غيبه وسب وكذب ومعاير الناس=ابليس ثبّت في وسطهم شعاره
واليانصحته عبّس بوجهك عباس=وقام يتطاير من عيونه شراره
ياعنك لوجاملت هالنوع تنداس=اللي يحسبون المهايط شطاره
ماينفع التلميح في بعض الاشخاص=لازم عليه نشّن تسعين غاره
اللي عطاك السان وعيون واحساس =هو ماعطى عقلك شويّة وقاره
بليتنا وخليتنا نفلس افلاس=والا انت ماتفهم كلام الاشاره
واحسن لي اترك مجلسٍ فيه الادناس=واطلع مراقيب الفخر والصداره
لا صار مالك مع هل النقص مجلاس=جنّب عن اهل الناقصة والحقاره
والعز والله رفعة الدين للراس=ماهوب زود الفخفخه والتجاره
منصور الحمادي
بعض المجالس
المجلس اللي فيه ترتاح الاوناس=يشتاق لك فيه الرفيق بحراره
يفزلك من مجلسه تقل قرناس= سمح الحجاج ودلته عند ناره
مجلس يباهي فيه خلاّق الاجناس=كنك ظفرت المرجله بالجداره
بعض المجالس نشتريها بالالماس=وبعض المجالس نعتبرها خساره
غيبه وسب وكذب ومعاير الناس=ابليس ثبّت في وسطهم شعاره
واليانصحته عبّس بوجهك عباس=وقام يتطاير من عيونه شراره
ياعنك لوجاملت هالنوع تنداس=اللي يحسبون المهايط شطاره
ماينفع التلميح في بعض الاشخاص=لازم عليه نشّن تسعين غاره
اللي عطاك السان وعيون واحساس =هو ماعطى عقلك شويّة وقاره
بليتنا وخليتنا نفلس افلاس=والا انت ماتفهم كلام الاشاره
واحسن لي اترك مجلسٍ فيه الادناس=واطلع مراقيب الفخر والصداره
لا صار مالك مع هل النقص مجلاس=جنّب عن اهل الناقصة والحقاره
والعز والله رفعة الدين للراس=ماهوب زود الفخفخه والتجاره
منصور الحمادي
