قصيدة الزلامي

بسم الله الرحمن الرحيم

هذه القصيده مهداه الى الشيخ/مسند بن مسري الزلامي

لما يناله من صفات واخلاق حميده

سلام مني على الزلامي سند روق
مسند بن مسري سليل الاجاويد
الحر الاشقر ماكره عالين فوق
ذباح جول الصيد في منبر البيد
ستر العذارى وحامي الجار والنوق
وحامي الضعينه السلف والمعاويد
وان كان الاعادي شددو حوله الطوق
يرسي كما يرسي على العاصف الحيد
وان كان من يم الخطر لاحت بروق
يرعونها بقروم ربع بواريد
عدوهم ساقوه من مرتعه سوق
وبيمانهم حدب السيوف وبواريد
وقطعانهم ترعى زماليق وعذوق
بقفرية مايرتعونها رعاديد
وعدوهم صدره من الغيض محروق
وللصاحب احلى من حليب المجاديد
والطيب لاهل الطيب والعلم موثوق
وبعيد عن خطو الهلامه وعربيد
ومن سالمه ماجاه من يمه البوق
ومن كايده يلقى غرايب من الكيد
وياكم من يمناه عشت حلوق
يوم الفاقه والسنين الجراهيد
وان طببو بعض الجلايب على السوق
يشري السمين وكن جيرانه بعيد
ابن الزلامي بين الرجاجيل مرموق
اباصفه بحاتم طي وعمر وابو زيد
ومن العرب الطيب اشتاقله شوق
ومسند ابو فيصل اخصه بتحديد
وان قلت وان ماقلت بلقيل مسبوق
واشيد من منبع الجود لاهل الجيد
واجيب من حلو التماثيل طاروق
لمن يستاهلون المدح حق وتمجيد



كلمات الشاعر/دهام العنزي

صح السانه والسانك يالغالي

صح لسانك ولسان العنزي


لاهنت يالغالي


تحياااااااااااااااااااااااااااااتي

يعطيكم العافيه
واشكركم على التعليق
ياذيب الحنابج
وابن نعيس

لاهنت ويعطيك العافية

اخوي فيصل الزلامي


لك كل الحب والمودة

ووووووووونعم با الزلامي الله لايهنك