عاد .. هذا .. علم .. عند الله ....... !! ابونجر النفيعي /
ناصر الجلاه15-Aug-2007, 10:48 PM
,
,
ابونجر النفيعي سجلوه بشاعر المليون=يجيبه مايجيبه .. عاد هذا علم عند الله
ولكن استعدوا ياعتابه للولد تكفون= عتيبه ياعتيبه .. عاد هذا علم عند الله
مرزوق حمدان العتيبي15-Aug-2007, 10:52 PM
ابونجر النفيعي سجلوه بشاعر المليون
يجيبه مايجيبه .. عاد هذا علم عند الله
ولكن استعدوا ياعتابه للولـد تكفـون
عتيبه ياعتيبه .. عاد هذا علم عند الله
هههههههههههههههه
الله عليك يامبدع ....... >>>> لايحلم انه بيصوت له ...
صح لسانك ... ياملك الابداع
وننتظر المرعب ... خلوها سماري ......
خالد المقاطي15-Aug-2007, 10:53 PM
الله الله
صح السانـــك يالخال :)
يجيبه مايجيبه // عاد هذا العلم عند الله
ياسلام ياسلام
لا انشاء الله يجيبه
:)
تابعو ومنا المتابعه
أبو نجر النفيعي15-Aug-2007, 10:54 PM
هههههههههههههه
أبو نجر النفيعي ما يقرّب روضه أم أعيون = وليا قرّب مصيبه .. عاد هذا علم عند الله
وليا فكّر وشارك بأذن ربي بيرقه مضمون = يجيبه..ينحيبه .. عاد هذا علم عند الله
ناصر الجلاه15-Aug-2007, 10:58 PM
..
مرزوق العتيبي صح بدنك تواجدك يكفيني
لاهنت يالغااالي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
البناخي كعام المعادي .. صح بدنك يالبناخي وقوم صفك خالك
لاهنت يالذيب
..
ناصر الجلاه15-Aug-2007, 11:04 PM
.
.
الله الله
يازينك داخل المسرح تلالي والعرب يوحون=نخيش ونعتزيبه .. عاد هذا علم عند الله
ترى فيصل معه يمنا ومعه ألسان وأله متون=ليا ركز يصيبه .. عاد هذا علم عند الله
بندر المرشدي15-Aug-2007, 11:07 PM
بيض الله وجوهكم ومتابعين الابداع منقطع النظير
ناصر الجلاه15-Aug-2007, 11:10 PM
..
وجهك ابيض يالتحدي يالغاالي
لاهنت على المرور الكريم
..
خالد المقاطي15-Aug-2007, 11:12 PM
هههههه
الله يالخال
ازهل الصف لاكن ؟ مره منا ومره منا
:)
سياسي :)
سيــف المعانـي15-Aug-2007, 11:13 PM
ياسلام يا سلام
بيض الله وجيهكم
شعراء كبار ونتشرف بمتابعتكم
أبو نجر النفيعي15-Aug-2007, 11:15 PM
أنا ماني سوات اللي على المسرح يجر ألحون = ليا وقّفت (هيبه) .. عاد هذا علم عند الله !!
أبا امثّل عتيبه / والشعر / في حكمة أبن العون = قصيدي ترتقي به .. عاد هذا علم عند الله
ناصر الجلاه15-Aug-2007, 11:16 PM
..
كعااام يالبناخي مافيه اشكال ..
اهم شي قوم الصف
,,,,,,,,,,,,,,,,,,,,,,,,,,,,,,,,,,,,,,,,,,
سيف المعاني .. وجهك ابيض يالغاااالي
الكبير مرورك وتشريفك المتصفح
لاهنت
..
أبو نجر النفيعي15-Aug-2007, 11:16 PM
..
جميع من شارك معنا ..
الله لا يهينكم ..
:)
اخوكم
سيــف المعانـي15-Aug-2007, 11:19 PM
والل انتم الكبااار
تحيه اخر لكم ::><
خالد المقاطي15-Aug-2007, 11:21 PM
أنا ماني سوات اللي على المسرح يجر ألحون
ليا وقّفت (هيبه) .. عاد هذا علم عنـد الله !!
...............
ياسلام يابو نجر مبدع :)
:) :)
مرزوق حمدان العتيبي15-Aug-2007, 11:22 PM
...
.
اب اب ااااااااااااااااااااااااااااب هذا والله المسرى ...
متابعه للنهايه ... وتصفيق حار ......
أبو نجر النفيعي15-Aug-2007, 11:22 PM
..
الابداع وجودك يا كعام المعادي ..
لاهنت على المتابعه ..
:)
أبو نجر النفيعي15-Aug-2007, 11:29 PM
..
مرزوق متابعتك روح المحاوره :)
.
لاهنت يت عاشق البنت ..
:)
ناصر الجلاه15-Aug-2007, 11:32 PM
,
,
أنا ماشبهك باللي يود صحون جاب صحون=بلا شكٍ وريبه .. عاد هذا علم عند الله
عسى حظك يافيصل يرتقي ويعد فالطبلون=ونعطيك الشبيبه .. عاد هذا علم عند الله
أبو نجر النفيعي15-Aug-2007, 11:47 PM
وانا ماشبهك باللي لفانا يالغدر مطعون = قبل مأكرمه شيبه .. عاد هذا علم عند الله !!
الا ما قلت لي وش ميزة الاهرام يا فرعون = مواريها غريبه .. عاد هذا علم عند الله !!
عريق الساس وعتيبي15-Aug-2007, 11:50 PM
الله الله عليكم يابو نجر
وناصر الجلاه واصلو ياطيور شلوى
صحة ألسنتكم كلكم
وانا بصف ابو نجر ولايهون ناصر الجلاه
مير الليل الليل
أبو نجر النفيعي15-Aug-2007, 11:53 PM
..
أرررررررررررررحب يا عريق الساس وعتيبي ..
وصح بدنك يا ذيبان ..
والصف عامر بوجودك ..
:)
لاهنت
ناصر الجلاه15-Aug-2007, 11:54 PM
,
,
يابونجر النفيعي سالفتنا سرها مدفون=صحيبٍ مع صحيبه .. عاد هذا علم عند الله
تنشد وأنت تدري يالنفيعي والعرب يدرون=تميز بالعجيبه .. عاد هذا علم عند الله
ناصر الجلاه15-Aug-2007, 11:55 PM
..
هلا بعريب الساس .. صح بدنك .. والصف وااااحد
لاهنت على المرور
..
راع العلطا16-Aug-2007, 12:06 AM
ناصر الجلاه / ابو نجر النفيعي
مبدعين ولاهي غريبه الله لايهينكم
أبو نجر النفيعي16-Aug-2007, 12:08 AM
الا ياللي على درب الخطا في عصركم تمشون = تكفّينا الذهيبه .. عاد هذا علم عند الله !!
تدور ابك الرحى يالين جاوب حبّك المطحون = تبيع وتشتريبه .. عاد هذا علم عند الله !!
ناصر الجلاه16-Aug-2007, 12:08 AM
..
راع العلطا .. الأبدااع مرورك وتواجدك
من قال مايهان
..
ناصر الجلاه16-Aug-2007, 12:18 AM
.
.
أنا وشلون اوصله كلامي ياعرب وشلون=اوضحله حريبه .. عادهذا علم عند الله
ندوربها على راس تبيها جد وألا امون=تقربنا القريبه .. عاد هذا علم عند الله
أبو نجر النفيعي16-Aug-2007, 12:26 AM
..
راع العلطا ..
الابداع وجودك يالغالي .. والله لاهينك
..
:)
أبو نجر النفيعي16-Aug-2007, 12:26 AM
..
ناصر الجلاه ..
صح لسااانك يالغالي ...
استمتعت معك بالمحراف الطيب ..
والجايات اكثر ..
والله لايهينك يابن عاصم :)
.
اخوك
عبدالعزيز بن جودان الرويس16-Aug-2007, 12:45 AM
ابداع ناصر الجلاه وابو نجر
وزن ثقيل
صحت السنتكم شعار عمالقه
مخلف الهقاوي16-Aug-2007, 02:14 AM
ناصـــر الجلاه&ابو نجـــر النفيعي
ابداااع وامتااااع صحت السنتكم
:)
ناصر الجلاه16-Aug-2007, 09:31 PM
..
عبدالعزيز جودان .. صح بدنك يالرويس
الابداع تشرفك فالمتصفح .. وجودك شرف ومرورك عطر
لاهنت يالرويس
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
مخلف الهقاوي .. صح بدنك يالذيب
ولاهنت على التشجيع المستمر
مودتي لكـــ
..
السميــــــري16-Aug-2007, 10:12 PM
ناصر الجلاه .. ابو نجر النفيعي ..
بصراحة محاورة من العيار الثقيل .,,
أكثر من رائعة ..
صحيح اني تأخرت لكن استمتعت بقراءتها يامبدعين ..
صحة السنتكم ياعمالقة
ناصر الجلاه16-Aug-2007, 10:35 PM
..
السميري صح بدنك .. يالغااالي .. الرائع مرورك الكريم
لاهنت يالسميري
مودتي
..
شـامان17-Aug-2007, 06:16 AM
لا هنتو..
وبيض الله وجيهكم
محاورة ممتعة
فهد العجمي17-Aug-2007, 06:21 AM
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
