أنت شــــــــاعر .. تفضــــــل..

أخواني نضع بين ايديكم فكرة لأول مرة على حد علمي تطرح في هذا

المنتدى علما بإنني قد رأيت احد المنتديات قد قام بطرحها وهي ليست

جديدة بل كانت متدوالة في سوق عكاظ بين الشعراء من ايام ماقبل

بعثت الرسول عليه الصلاة والسلام...


الفكرة هي كمايلي: يقوم شاعر بطرح بيت شعري ويرد عليه الشاعر

الآخر ببيت آخر لايشترط في الرد ان يكون على نفس القافية ولا البحر

ولا حتى المعنى.. فقط تكون بداية بيت الشاعر الثاني نفس الكلمة التي

انتهاء بها بيت الشاعر الأول.

مثـــــــال:


يازين انا فكري معلق بطيفك=والقلب دايم يالغلا مشتغل (فيك)

فيكون الجواب من الشاعر الثاني مثلا:

(فيك) ما سيرت يادرب الزلق=واشهد اني ما عكست الاتجاه

وهكذا الشاعر الثالث يبدا بـــ (الاتجاه).....

ملاحظة: بعض الشعراء يشقر الكلمة التي انتهاء بها زميلة فيكون رده

مميز

وهذه البداية




البيوت النادرات الشرد.. في ضميري جالت= ياولد وسم وانا بوسم .. فالبيوت الشرد

الشرد اللي تتعب كل قناص=ان كان ماجيبها ليه القناصه

القناصه مهنة ٍ للرجال الطيبين = واقتناص الطيب سلم الرجال الوافيه

الوافية ما مدها غير وافي=من دونها تقصر يدين الرديين

الرديين عيشتهم تراها ذليله = عش حياتك بعز وموت ولّا بلاشي .

بلاشي ما كسبها غير لاشي= قصير اليد مقلوب السريرة

السريره علمها عند علاّم السريره=وانت يالمسلم تحيزم لها واحسن لها

لها في القلب منزال ومكانة=حديثٍ صادقٍ من قلب صافي

صافي لغيري بس إلي منت صافي=الله لايعطيك سلطة على الناس

الناس لو تملك على الناس سلطه=صار الوضع بالحيل يافلان منحاس

منحاس حال اللي من الهم منجوم=يخايل بروق الفرج والفرج ضي

ضي عيني دون شوفك ما أبيه=يا طراة الروح ياروح الضبي

الضبي لا شاف صياد الضبا=ذب وعر الدرب والصياد ضاع

ضاع الوفا ياصاحبي بين الأحباب=ماتصدق الكلمة ولايصدق القلب

القلب شال الحمل والحمل كايد=حمل الهموم مشيبات الرضيعي

الرضيع إليا فقد من يرضعه ويشد عوده=ما وقف مثل الذياب اللي تكوسر في عواها

عواها على المرقاب مع هجعة الناس = ذياب ٍ على الذرعان تاخذ عشاها

عشاها شعاة الكون شوخٍ ترد الراي=لنا من قديم الوقت بالضيق ننقلها

ننقلها بيمنانا ونعرف هدفها=ولايخطي المقصود منهو عرفها

عرفها مايعود=ياعرب كارثه

كارثه تنسى رفيق(ن) يودك من سنين = ليه نكران الغلا يامهابيل الغلا

الغلا في الحديد وفي الشعير = صار سعره مثل سعر الذهب

الذهب مايلبسه غير الصغير من البناتي=لو تشوفه فاليدين وفالصدور اختل حالك

حالك ومالك وماتمكله يمناك
دون الوطن ياصاحبي بادربها

بادربها توبه ترى العمر محدود = لاتامن الايام تطوي رشاها

رشاها صانع العمله معاملة السعودي نت=وهالحين اتصال السلك واللا سلك مجاني

مجاني القدس راحت عند شارون= وحنا نقول الفلك مابه سوانا

سوانا ما يقارب مستوانا ولايدري بما تحوي سمانا=ولكن ياصغير السن بدري توقف جنبنا وألا معانا

معانا من تصفح منتدانا=ذكرنا بالوفاء في كل حزة

حزة وجودي فيك يامنتدى الطيب=مامثلها الا حزتي مع نياقي

نياقي شعاف الجن سودٍ كما الضلعان=ووسم العصيمي فوقها عالي الشهرة

الشهره ملك لاهل الطيب واهل الكرم=ربعي عتيبه الهيلا كعام العدا

العدا سود العيون اللي بلا ماويه ======= ماتراعي لهفة العاشق ورهف إحساسي

أحساسي المرهف أشقاني وعذبني=وأن قلت سالي فلاني والله بسالي

سالي عن العالم ولا اسمع ولا اشوف=ألا عن المحبوب مانيب سالي