رنج قاصرةٍ ضعيف الدخل عنه ايدينه

هذه القصيده اضعها بين ايديكم آمل ان تحوز على اعجابكم ...



راكـب اللي صمموه اهل الربا والعينه = اليهــود اللي من أولهـا على تاليها

شغـلهـم شغل رهيب وربهم ناســينه = ملتهـــين بحـب دنياً خاسـرٍ بانيهــا

رنج قاصرةٍ ضعيف الدخل عنه ايدينه = لو أهله تصـابح العدوان وتماسيها

لانطحـــته كـنك تحق السطر في عينه = وإن قفـيته مثل حرٍ صيدته ناويهـا

لونه أبيض وإن قربته معطي لونيــنه = مثل شاهي مع حليب مقلل شاهيها

والمراتب مثل كرسي خادم البيتــــينه = من ركب فيها يقول الناس متعليها

صانعه لو كان مسلم قلت ينصـر دينـه =مير كافر والحقيقه صنعته حاسيها

يوم يمشي قدم وضحٍ بالوصايف زينه = كن فيه من الوصايف مثل ماهو فيها

خص في وقت النبات اللي على أول حينه= وقفته وان ثمنت تصعب على شاريها

وان مشأ قدم الطـــياح يزينها وتزينه =مع روايع زينـــها قـدامها حالـيهــا

البل البل دونها الطــيب تطــول يمينه =والردي تصعب على شـرواه لو يبغيها

لاتقـــافت كن راعيها مخـلّـص ديـــنه =لو ديونه محصي الارقام مايحصيها

طفح وإبها من الأحدب صفات وعينه = باللحي وخشومها والموت في باقيها

اسنمتها فاهـــقه وارقـابـها مـــترينه = ولونها أرقاب المزون ان جيت ابا أحليها

والحقيقه زينها يصعب على محصينه =مير مأحلا جلستن قـــدامها نحـييها

ماحلا قدم العمر تطوى حلاة سنيــنه =جلسةٍ في روضٍ أخضر والمطر مسقيها

مع رجال مابهم عيٍّ خــبيث ضغــينه =ايتظاهر بالمــوده والعــرب موذيها

مع رجال كلبوهم بالوفاء من طـــينه =حي هـاك الربعه اللي ربها هاديهــا

جعل يفـــداهم رديٍّ ما يـكب الشــينه =شيـنته دايم تبين وحسنته مخفيهــا

بين ذاك وذاك دايم محفـين رجلينــه = ينقل هروج الردى للناس ويوديهــا

والحياه أيام وابن آدم على تكويـــنه =والحضيض اللي على وضح النقا بانيـها

صح لسااانك يالحويقل ..

ابدعت وهيضتنا بالرنج :)

اشكرك اخي محمد العتيبي
على المرور والاطراء
للك خالص تحياتي واحترامي
ودمت بخير

مطلق الحويقل ابداع بلا حدود اشهد انك يوم غنيت ابدعت وصح السانك وعلا شانك واللي مثل هذي تكفى لا تقصر علينا ابها ,,,,,,,
هذا القصيد اللي يخليك تنهت اليا اوحيتها

اشكرك اخوي ابن صنهوت
على المرور ولا عليك زود
وباذن الله اعدكم بالجديد
تقبل تحياتي

راكب اللي صمموه اهل الربـا والعينـه
اليهود اللي مـن أولهـا علـى تاليهـا
شغلهم شغـل رهيـب وربهـم ناسينـه
ملتهيـن بحـب دنيـاً خاسـرٍ بانيهـا
رنج قاصرةٍ ضعيف الدخل عنـه ايدينـه
لو أهلـه تصابـح العـدوان وتماسيهـا
لانطحته كنك تحق السطـر فـي عينـه
وإن قفيته مثـل حـرٍ صيدتـه ناويهـا
لونه أبيض وإن قربته معطـي لونينـه
مثل شاهي مع حليـب مقلـل شاهيهـا
والمراتب مثل كرسـي خـادم البيتينـه
من ركب فيها يقـول النـاس متعليهـا
صانعه لو كان مسلم قلت ينصـر دينـه
مير كافر والحقيقـه صنعتـه حاسيهـا
يوم يمشي قدم وضحٍ بالوصايـف زينـه
كن فيه من الوصايف مثل ماهـو فيهـا



الله الله يالحويقل



صح لسانك يامبدع عزالله قصيدة من افضل ماقرأت في وصف الرنج


لا عدمناك

اشكرك اخي الكريم ابن سرحان الثبيتي
على المرور والاطراء الجميل
وماعليك زود ياخوي
لك تحياتي وتقديري

اكتفي بقول صح لسانك يالحويقل انت شاعر قدير

اخي ابو طلال لك كل الشكر والتقدير وماعليك زود
ومعذرة على التأخير في الرد لانني لم ادخل المنتدى منذ فتره
تحياتي وتقديري لك

ملتهيـن بحـب دنيـاً خاسـرٍ بانيهـا
رنج قاصرةٍ ضعيف الدخل عنـه ايدينـه
لو أهلـه تصابـح العـدوان وتماسيهـا
لانطحته كنك تحق السطـر فـي عينـه
وإن قفيته مثـل حـرٍ صيدتـه ناويهـا
لونه أبيض وإن قربته معطـي لونينـه
مثل شاهي مع حليـب مقلـل شاهيهـا

صح لسانك

صح السانك يالحويقل وانت شاعر مايحتاج

شهادتي فيك مجروحه ولاهنت هالجزله

اخوك

سعود الدماسي

اخي ولد عساف و سعود الدماسي
اشكركم على مروركم الكريم وشهادتكم فخر لي
وماعليكم زود
تقبلوا تحياتي وتقديري
ودمتم