طلـــب قصـــــــيده
سلطان نايف العضياني03-Aug-2009, 07:35 PM
السلام عليكم ورحمة الله وبركاته
أرجو ممن يعرف قصيدة بندر بن سرور اللتي وجهها لأحد مشايخ قبيلة عنزه أن يطرحها لنا ومشكورآ
وإسم الشيخ الموجهه له
ومبداها يقول:
ياراكب اللي كن سلفه ليا نيش=صوت المحاله يوم يجذب رشاها
يسبق فروخ مصخرات أبرق الريش=نسل الحرار اللي عزيزن غذاها
عفتان العتيبي03-Aug-2009, 07:41 PM
ارحب ياولد رووق
تراله موقع
باسم بندر سرور القسامي
بمنتدي الروقه
والشيلبين
والله يرحمه فقيده
عبدالله الجـــذع12-Aug-2009, 03:19 PM
يا راكب اللي كن سلفه ليا نيـش=مثل المحاله يوم يمـرس رشاهـا
يلحق فروخ مصخرات ابرق الريش=شقر الحرار اللي عزيـز غذاهـا
عده لابن هذال ريـف الهتاتيـش=ليا زارها الطرقي همومه نساهـا
قل له يحـل الكايـدات المباليـش=اللي عسرني حلهـا مـن غثاهـا
أصبحت بالدنيـا كثيـر التباليـش=وازريت اميز وجهها مـن قفاهـا
يوم توردنـا الديـار المعاطيـش=ويوم توردنـا علـى بـرد ماهـا
وجدت هذي يابو نايف
واعذرنا على القصور
محبك
.
عمر الدغيلبي14-Aug-2009, 12:25 PM
عبدالله الجذع
الله يبيض وجهك
وماقصرت يالذيب
خلف القثامي14-Aug-2009, 04:42 PM
عده لابن هذال ريـف الهتاتيـش
ليا زارها الطرقي همومـه نساهـا
رحم الله الشاعر / بندر بن سرور
والشيخ الفارس / بن هذال فارس معروف في الجزيره العربيه
وقصائد بندر بن سرور كثيره
اذكر منها قصيده له في زايد بن نهيان
عندما قال
ولي عجوز ورى شط بغداد *** سمت على الشيب الفلاحي ولدها
تبقاه يطلع مثل زايد ولا فاد ××× ولا كل من هاز الطويله صعدها
المقصود في هذه الابيات له قصه حسب ماسمعت
ان بندر بن سرور كان في الشمال وسمع ان امراءه من الشمال من الشعلان اطلق اسم زايد ع ابنها
وكان من باب المداعبه ذكر القصيده
الشيب الفلاحي يعني نسب زايد بن سلطان من الفلاحي
والعذر ع المداخله السريعه
سلطان نايف العضياني15-Aug-2009, 08:39 PM
عبدالله الجذع
بيض الله وجهك
ووجيه الإخوان
