محاورة بين عبادل المالكي واحمد الناصر

محاورة بين الشاعرين.. الكبيرين

عبادل

عبادل المالكي

وأحمد الناصر الشايع


اترككم مع المحاورة.. الشيقة :)

عبادل

سلام ردية عليكم يافهود= من معرفات مايغلق بابها
يالشاعر اللي مايتعدى فالحدود=والعين مقصدها شوف اصحابها


أحمد

أهلا وسهلا بالوقوف وبالقعود=ردة وفا غنــــــا بها من جابها
الناس تدري بالصوادر والورود=بعض الليالي السود مايسرى بها






عبادل

ودي نقود العلم يارجال قود = واهل المصاحب والكتب تقرا بها
ماني شرود وصاحبي ماهو شرود= مير الليالي ماحسبت احسابها




احمد

مانتب عن الطاروق بالسيف محدود=هذا طريق اجنابها واصحابها
مير المعاني لاتجي بيض وسود=قرر علمها والكريم أولى بها



عبادل

النار يارجال تاكل كل عود=واللي يشب النار يتصلى بها
شفت المخايل والنشايا والرعود= لاوالله اللي جابها جلابها

احمد

كل السوالف بين هون وبين كود=تدري بها شيابها واشبابها
النار يارجال عيشتها الوقود= هذا مثل والنار من شبابها



عبادل

مادري سببها من حمد والاحمود= ولا ابغي غير قردتي وانصابها
والناس تمشي بين نقص وبين زود= راع الخيانه بيننا يدرى بها



احمد

مدري يعود الوسم والا مايعود=كل الخيام موثقة باطنابها
الجود يارجال من كثر الوجود= راع العصا ياصاحبي عيا بها


عبادل

واعدتني واخلفت عني فالوعود= معك جبال نايفه ترقا بها
راع التمدح لاتدور منه فود= وراعي الكذبات ماتعشى بها


احمد

اكرب حزامك لاتنام ولاتنود=الخيل ماحد قادها باذنابها
انت معك حجه ولافيها شهود=من باق ديرة رحل مامسى بها


عبادل

بكره نجيكم بالذخاير والجنود=الغاط والزلفي نبي نرعى بها
والله ان تحداك الحراير والبرود=واللي معه خيشه مايتوقى بها

احمد

نحسب حساب الروس واحساب اليهود=واديارنا تصبح عشى لذيابها
ان جيت تلقى اللي مثل قدح الزنود=ربعي ضحى الفتنة تطش اثيابها


ان شاء الله وفقت بالاختيار :cool:

فرهودي،،

محاورة رائعة من شاعرين عملاقين...........

سلمت ولاهنت يافرهودي , وكثر الله من امثالك.......


تحياتي......

الأخ العزيز فرهودي الف الف شكر لك على هذه المحاورة الجميله والشيقه بين شعراء معروفين .

مشكورررررررررر
يافرهودي...
والله يعطيك العافيه...
تحياتي

ابن مشيب
أحمد المالكي
طلال

كل الشكر على مروركم..
ونعدكم بالافضل بإذن الله