محاورة حبيب العازمي وفالح الغنامي =راي الجمهور

السلام عليكم ورحمة الله وبركاته
هذه محاوره قويه وحاميه بين الشاعر/حبيب العازمي والشاعر/فالح الغنامي
اعجبتني هذه المحاوره واتمنا ان تنول على اعجابكم

حبيب


تحزم بالسواري والمحدش ياولد غنام=ولا ترجع ليا شفت الغنايم وانت غنامي

انا اشوفك تشيل البندقيه من زمان العام=ولكن الرصاص اليا شترك يرجع على الرامي


فالح


على مايسر الله ياحبيب والوعد قدام=وانا ليش اتحزم بالسواري وانت قدامي

الد العين وارفعها ويشر يمك الابهام=وعيني ما تطالع غير في جو السما السامي

حبيب


انا مني عدو لك انا لك فاللزوم احزام=ولن ما حزمك محزمك ابا حزمك بحزامي

تلد العين شرق ونيتك بالظبط يم الشام=وظاعت نيتك بالظبط بين الشرق والشامي

فالح


انا منيب طامع ياحبيب لقمة الايتام=بعد ورتها عد الروى اللي يروي الظامي

ياعارف نصرة المنظام نعرف نصرة المنظام=وانامالي دخل في نية كانت من العامي

حبيب


نصحتك لا تزود من طعام ن ماعليه ايدام=وخاشرت الفقارى في طعام ن ماله ايدامي

انا منيب مثل اللي يخمخمها بغير اخطام=انا حطيت فيها القيد فوق القيد وخطامي

فالح


لاتنصحنا ترانا نعرف الباني من الهدام=مصيبه ياحبيب يطلع البناي هدامي

تحاول ياطبيب الصين لجل تطول الاقزام=وانا ربي مطولني ولاني مثل الاقزامي

حبيب


عسى ربي يباركلك من الرفرف ليا الصدام=ولكن المكابر مانفع حنا وصدامي

ترى ماكل ماورد شماغ احمر من البسام=ياكم شفنا شماغ احمر لكن ماهو ببسامي


فالح

عسى ربي يباركلك من الطايف ليا الدمام=ولكن النهايه لاتجي طقاق دمامي

يقولون البحر راكد لكن البحر الاحمر طام=ياليتك ياحبيب ما تجدد سالفة طامي

لاهنت يا وسمي نجد على النقل
وفالح الغناااااامي شاعر كبير ومحاورته هذة تضاف إلى قوته الشعريه
ومن اللي يتجرا ويناطح حبيب بها القوة والثقة فالنفس العالية

وابو فيصل أقل حالاته مبدع دائما

بارك الله بك , شكراً أخي الكريم
مبارك عليكم

صح السنتهم

ولاهنت علا التقل

على مايسر الله ياحبيـب والوعـد قـدام
وانا ليش اتحزم بالسواري وانـت قدامـي

ياسلام بيت رائع ينم عن موهبة فذه وجميله وقوية من فترة ليست ببسياطه وانا مسجل اعجابي

الشديد بالشاعر/فالح الغنامي

اتمنى من الجميع الوقوف والمسانده معه وتشجيعه ومأزرته يستاهــــــــــل الوقفـــــــــــــــه

صحة ألسنتهم .. جميعهم شعار كبار !!

,,

نقل موفق .. لاهنت !!

محاوه قمه


ابداع من فالح الغنامي


ولاهو غريب عليه الأبداع شاعر من خيرة الشعراء الشباب وأتمنى أن يكون أكثر مرونه مع من حوله فالساحه


حبيب العازمي مبدع في كل حالته لو يلعب لوحده .


لاهنت يا وسمي .

عزالله ان الغنامي مبدع الى ابعد الحدود وصدق الشيخي يوم زكاه

وابو فيصل ملك المحاورة

محاورة عمالقه...

مغنى ومبنى

وتطرب عز الله..

اعجابي...

تحزم بالسـواري والمحـدش ياولـد غنـام
ولا ترجع ليا شفت الغنايـم وانـت غنامـي




على مايسـر الله ياحبيـب والوعـد قـدام
وانا ليش اتحزم بالسواري وانـت قدامـي


رد ونقض قوي قوي والقوي الله لكن ماينقال لحبيب "


الوكاد ان الغنامي مبدع وليييييته يمارس الدبلوماسيه مع الشعراء الكبار "

فالح الغنامي شاااعر كبير ..


ولكن لم يخدمه الاعلام ..


وهذا هو حال شعراء الغنانيم من عتيبه .. فهم فطاحلة الشعر وتشربوا شعر إلى أن اصبح الشعر يتغذى

منهم ليبقى على قيد الحياة ..


أغلبهم مبتعدين عن الاعلام ولا يبحثون عنه ابدا .. والبعض منهم لم يخدمهم الأعلام ..

مشكورين على المرور


تقديري

...

فالح الغنامي شاعر .. يجيد الفتل والنقض

ولا يتطرق لاسلوب النعرات القبليه .. شاعر ثقيل في تصرفاته وفي اسلوبه


والله يوفقه في المسابقه شاعر المعنى



.

محاوره قمه وفيها فتل ونقض من الطرفين وممتعه جداً

واختيارك جميل يا فرج وتسلم على النقل

مشكورين على المرور العطر ياالنشاما


تقديري واحترامي

لاهنت اخوي فرج على النقل محاورة تستحق المتابعة ابو فيصل من عمالقة شعر القلطة

وفالح شاعر قادم بقوة والى الامام باذن الله

عزالله رد شاعر وليش يمارس الدبلو ماسيه لو مارد هذا الرد لم يعرف الغنامي

من ابسط حقوقه ان يرد على البيت مو مجامل على حسابه وذا جامل في


الرد كيف يكون النقض؟ وليش يسمى نقض وفتل حتى بالكلام لازم ترد على السوال




فالح شاعر من الكبار ولو ما هو ينقض ويفتل لم نحسبه شاعر






اشكرك على النقل

شعار كباار ..

وطاروق ما نسمعه الا كل سنه مره..


كل الشكر على النقل المميز

الله الله : )

أتوقع فالح الغنامي وسفر الدغيلبي سيتسيدون شعر المحاوره إن لم قد تسيدوه بالفعل

صح لسان حبيب وفالح محاوره شعراء كبار

شكرا للنقل

تـرى ماكـل مــاورد شـمـاغ احـمـر مــن البـسـام
ياكم شفنا شمـاغ احمـر لكـن ماهـو ببسامـي
قنبلة نووية من حبيب
وهو يقصد ما كل شاعر يغني يعرف للمعاني
وشكرا على النقل

فالح الغنامي
موهبه شعريه قادمه.

وحبيب
مثل ماقال ابوفايح مبدع لو يلعب لوحده ههههههه